Yohana 1:51 - Dadiya NT

⁵¹ Nǝngɔ a sʊwa gǝn gɔ, “N bɨlǝngkɛl mǝ sʊwa jen nɛɨ, jǝ́ kuwo kuwo dʌbʌl kwamagɔ a wumo, bɛtɔ twama Kwaamaɨ gǝla lɛ kaamɨ gwi lɛ a dul Bʊla Nǝlɨ.”

Yohana 1:51 Referans Kwoze

Maajɨ Bɛtɔ Twamagɨɨ 7:56

Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”

Luka 22:43

Nǝngɔ bwɛ twama Kwaamaɨ a gǝla a dʌbʌl ba kʊʊ gǝm nǝl lɛɨ.

Luka 2:13

Tʌgo a kang nǝngɔ kaam bɛtɔ twama Kwaamaɨ a dʌbʌl a lada nyɔ ba ja nya bwɛ twama Kwaamaɨ nɨɨ, jǝ bǝlá Kwaama lɛ jǝ sʊwa lɛ gɔ,

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Markus 1:10

Kwama nɨ Yesu jelʌm lɛ a mʊgɔ mwɛɨ, nǝngɔ a kuwo kwamagɔ a wumoi, a kuwo Yʊwa Kwaamaɨ gǝla lɛ na kumfiyo a dul gǝnɨ.

Matta 3:16

Kwama Yohana a yʊm Yesu mwɛ sagsagɨɨ, kanga gǝ jel lɛ a mʊgɔ mwɛmɔ gǝmɨ, nǝngɔ dʌbʌl kwamagɔ a wumoi, nǝngɔ a kuwo Yʊwa Kwaamaɨ gǝla lɛ a dul gǝn na kumfiyoi, a gǝla a yɨ a dul gǝnɨ.

Maajɨ Bɛtɔ Twamagɨɨ 10:11

A kuwo dʌbʌlɔ a wumo, kaa jǝl gǝla lɛ na dalɨ dwang kwabtǝm, jǝ shig lɛ a tǝm, kanǝnɔ naal.

Luka 3:21

Kwama nɨ ja yʊm nǝbɔ mwɛ sagsagɔ gwamɨ, nǝngɔ la ja yʊ Yesu tǝgǝnɨ. Maa keligɔ lɛɨ, nǝngɔ dʌbʌlɔ a wumoi.

Matta 4:11

A daagɔ, nǝngɔ Mammɔ a bǝla gǝnɨ. Nǝngɔ bɛtɔ twama Kwaamaɨ ba tɨka gǝnɨ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.

Dʊgam Nyangnyang 4:1

A gul jʊ nɨ mǝ yǝla mǝ dʌngi, nǝngɔ mǝ kuwo kaa nyanga kan a wumo wumoi a dʌbʌl kwamaɨ. Diil nɨ mǝ nyʊwa nǝn tɨkǝga wʊnɨ a maa na guutǝm jumi a sʊwa ɨ gɔ, “Gwi fɔ, sǝ n nʊng ń jʊ nɨ bwɨ lɛ a gul nɨ gǝmɨ.”

2 Tasalonikaɨ 1:7

Kwaama nǝ jen nǝ fǝbtǝm jǝbɔ nǝn, jen nɨ jǝ nyʊwa jem lɛɨ. Jʊ nɨ bwɨ nǝn di nɨ Tɛlalɔ Yesu ba nʊng dul gǝnɔ lɛ a dʌbʌl kwamaɨ, dakini jǝbɔ kwaan daltɔ bɛtɔ twama Kwaamaɨ, a mʊgɔ ben kǝla.

Luka 2:9

Nǝngɔ bwɛ twama Kwaamaɨ ba jel a daa ji woi. Dʊʊlǝn Tɛlalɔɨ beta lɛ a kʊm jinɔ gǝm, nǝngɔ taalɔ a ta ji yǝlɨgǝnɨ.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Yohana 10:1

“N bɨlǝngkɛl mǝ sʊwa jen nɛɨ, nʊ nɨ a dɔ bɔ kan kwamɨtɨnɔ a nyangaɨ, a gwi a kwalɨɨ, n nǝkuu, n nǝwultǝm tag.

Luka 22:69

A kǝngkǝnɨ, Bʊla Nǝlɨ yɨ yɨ a kang jajǝng Kwaamaɨ, Nǝ kwaan.”

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Yahuza 1:14

Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,

2 Tasalonikaɨ 1:9

Jǝ nya nya mwɛl nǝn gaalan nɨ mɨ dɨtǝm woi. Jǝ wʊlaka ji wʊlaka jǝbɔ fɔlɔn lɔ Tɛlalɔɨ jǝbɔ kwaan dʊʊn gǝnɔ.

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Luka 24:4

Jǝ bʊʊla lɛ a nǝl jin gɔ n wɛ a bwɨ nǝn bʌlʌn gǝnɨ, nǝngɔ ja kuwo nǝbɔ yo tɨm a kɔtʌgo a ji gǝmɨ, dwang jinɔ ja dʊɨ beta lɛ nyɔ.

Matta 26:24

Bʊla Nǝlɨ shu shu kanga ja mʊla a dul gǝnɨ. N mwɛ nʊ nɨ a lungto Bʊla Nǝlɨ! Na a bʊm nyɔ ja bʌ gǝn bɔ.”

Yohana 21:18

N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 6:32

Nǝngɔ la Yesu a sʊwa ji gɔ, “Bɨlǝngkɛl mǝ sʊwa jen nɛɨ, ke bɔ Musa a nǝ jen kʊkkʊm nɨ a dʌbʌli. Tɨya mɨ nǝn gɔ a nǝ jen kʊkkʊm bɨlǝngǝnɔ a dʌbʌli.

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 16:20

N bɨlǝngǝn mǝ sʊwa jen nɛ, jǝ́ ji ji wi jǝbɔ kaltǝm nǝl. Yooligɔ nyʊwa nyʊwa fulotǝm nǝl. Jǝ́ maa maa fitǝm nǝl. Fitǝm nǝl jenɔ yǝlam fulotǝm nǝl.

Yohana 13:16

Bɨlǝngkɛl mǝ sʊwa jen nɛɨ, bwɛ jwaalɛ mɨ gǝ laa tɛlalɔ gǝnɔ lɛ. Bwɛ twama mɨ gǝ laa nʊ nɨ lɛ a twam gǝnɨ.

Yohana 10:7

A kɛl nɨ gǝmɨ, Yesu a yǝla a sʊwa ji gɔ, “Bɨlǝngkɛl, mǝ sʊwa jen nɛɨ, nǝmǝ mǝ nyanga kan kwamɨtɨnɨ.

Yohana 6:53

Nǝngɔ Yesu a sʊwa ji gɔ, “Bɨlǝngkɛl mǝ sʊwa jen nɛɨ, na jǝ́ wo bɔ nam bʊtɔ Bʊla Nǝlɨ, jǝ́ nɔɔ bɔ tʊʊm gǝnɔ tagɨ, mɨ jen nǝn kʊlɨ a mʊgɔ bʊtɔ jen.

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Matta 9:6

Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ, “Gun do wɨlǝn mʊnɔ shu a lɔ.”

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Yohana 16:23

Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

Yohana 13:38

Nǝngɔ Yesu a jǝla gǝn gɔ, “Bɨlǝngkɛl, mʊ nǝ nǝ kʊlɨ mʊnɔ a kɛl dul mɨ ka? Bɨlǝngkɛl mǝ sʊwa ń nɛɨ, mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.

Yohana 8:58

Yesu a jǝla gɔ, “N bɨlǝngkɛl mǝ sʊwa jen nɛɨ, lǝga bɔ ja bʌ Ibrahim, mǝ fɔ.”

Yohana 8:34

Nǝngɔ Yesu a jǝla ji gɔ, “Bɨlǝngkɛl, mǝ sʊwa jen nɛɨ, nʊ nɨ maa bwɨlangkɛl lɛɨ, n bwɛ jwaalɛ bwɨlangkɛl.

Yohana 6:26

Nǝngɔ Yesu a jǝla ji gɔ, “Bɨlǝngǝn, mǝ sʊwa jen nɛɨ, jʊ a bwɨ jǝ́ saa ɨ lɛɨ, n ke bɔ jǝ laatǝm kang nɨ jǝ́ kuwo mǝ maa lɛɨ. Jǝ́ saa ɨ, n kɛl kʊkkʊmɔ jǝ́ ja, jǝ́ bobaɨ.

Yohana 1:50

Nǝngɔ Yesu a jǝla Nataniyel gɔ, “Mʊ nǝ bɨlǝngkɛl a kɛlɔ mǝ gar mǝʊ n kuwo ń a jʌng tɨya dʌfengi ka? Mʊ kuwo kuwo kanjǝl nɨ a laa a wʊnɨ.”