Yohana 1:49 - Dadiya NT

⁴⁹ Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 1:49 Referans Kwoze

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Luka 19:38

Jǝ sʊwa lɛ gɔ, “Bwiligɔ n fɔlɔ nɨ a bɛ a dun Tɛlalɔɨ. Yɨm kwamɨgǝnɔ a lada a dʌbʌl. Dʊʊlǝnɔ na a Kwaamaɨ.”

Matta 27:42

“A bʊʊ nǝn kaam nǝbɔ. A dwal bɔ a bʊʊ nǝn dul gǝnɔ. Na nǝn gɔ gǝ fɔlɔ Israilaɨ, bɛ ga gǝla a dʌbʌl tɨya kʊʊtǝm kǝngkɔ sǝ bǝ nǝ bɨlǝngkɛl nǝn gɔ.

Matta 21:5

“Jǝ́ sʊwa nǝbɔ Sihiyonaɨ jengɔ, ‘Fɔlɔ jenɔ n wɔ bɛ lɛ a daa jen woi, mɨ gung dul lɛ, bɛ lɛ a dʌbʌl lungsong, n kal lungsong.’ ”

Matta 2:2

ja bʌ gɔ, “Fɔlɔ Yahudawagɔ ja bʌi n fee? Nǝn kuwo nyanyamɨ gǝnɔ a twal. Nǝngɔ nǝn bɛ sǝ ba nǝn jʊng nǝn nǝ gǝn dʊʊnɨ.”

Yohana 1:38

Yesu a yǝla dʌng gul gǝnɨ, nǝngɔ a kuwo ji jǝ bwang gǝm lɛɨ, nǝngɔ a bʌ ji gɔ, “N wɛ jǝ́ saa lɛɨ?” Nǝngɔ ja sʊwa gǝn gɔ, “Rabbi” (kɛl nɨ gǝ nʊng “Nǝ mɛlalɨ”), “mʊ na nǝn yɨmɔ a fee?”

Matta 27:11

Nǝngɔ Yesu a tɨ a kǝga gwamnagɨɨ, gwamnagɔ a bʌ gǝn gɔ, “Nǝmɔ mʊ fɔlɔ Yahudawagɨɨ ka?” Yesu a sʊwa gǝn gɔ, “Kanga mʊ sʊwaɨ.”

Matta 14:33

Nǝbɔ a mʊgɔ tɨyamwɛngɨɨ a jʊng a nǝ Yesu dʊʊn, jǝ sʊwa lɛ gɔ, “Bɨlǝngǝn, mʊ nǝn Bʊla Kwaamaɨ.”

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

Matta 23:7

Jǝ swɨ lɛ nǝbɔ ya yal ji lɛ a gamdʌbo. Jǝ swɨ lɛ nǝbɔ ya jo ji lɛ gɔ, ‘Nǝ mɛlalɨ.’

Matta 23:8

“Ka jǝ́ jǝla lɛ nǝbɔ a jo jen gɔ, ‘Nǝ mɛlalɨ,’ jʊ a bwɨɨ nǝ mɛlalɨ jenɔ win, gwam jenɔ jǝ́ yǝlam kɛb.

Markus 15:32

Na gǝ nǝn Kiristii, fɔlɔ Israilagɔ, ga gǝla a dʌbʌl tɨya kʊʊtǝm nɨ kǝngkɔ, bǝ kuwo, sǝ bǝ nǝ bɨlǝngkɛl.” Nǝb nɨ ja kʊʊ ji dakinii, ja tuwo gǝn tʌji.

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Yohana 1:50

Nǝngɔ Yesu a jǝla Nataniyel gɔ, “Mʊ nǝ bɨlǝngkɛl a kɛlɔ mǝ gar mǝʊ n kuwo ń a jʌng tɨya dʌfengi ka? Mʊ kuwo kuwo kanjǝl nɨ a laa a wʊnɨ.”

Yohana 4:31

A mʊgɔ jʊ nɨ gǝm, nǝngɔ bɛtɔ mɛlalɨ gǝnɔ ba ja kela gǝn gɔ, “Feyi, ja jǝjalǝnɔ.”