Yohana 1:34 - Dadiya NT

³⁴ N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Yohana 1:34 Referans Kwoze

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Dʊgam Nyangnyang 2:18

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ gǝm a Tayatiraɨ gǝm nyɔ, “Kɛl nɨ nǝn gɔ n twama Bʊla Kwaamaɨ, nʊ nɨ nǝn nutɨnɔ na ben kǝlaɨ, nʊ nɨ naatɨnɔ a maa na kemʌn nɨ ja saal saalɨ.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

1 Yohana 4:9

N gola nɨ Kwaama a nʊng swɨtǝm gǝnɔ a daa bǝn woi: A twam Bʊla gɔ wʊnɨ win swar a yoolii sǝ bǝ nya kʊlɨ nɨ mɨ dɨtǝm woi a gola gǝn.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

2 Korinti 1:19

Jʊ a bwɨɨ Bʊla Kwaamaɨ, Yesu Kiristi, wʊnɨ mǝ, jǝbɔ Sila, jǝbɔ Timoti nǝn kiyo jem kɛl gǝnɨ, “Ɔɔ” gǝnɔ a nʊng bɔ “Ɔ ɔ.” Kwangkwang a gǝnɔ n bɨlǝngkɛl.

Yohana 19:7

Nǝngɔ Yahudawagɔ a tɨtǝn gɔ, “Nǝn nǝngǝn nǝn diil, a diil nǝnɔ gǝmɨ a yǝlam nyɔ ga bʊla, jʊ a bwɨɨ a do dul gǝnɔ gɔ gǝ nǝn Bʊla Kwaamaɨ.”

Yohana 11:27

Nǝngɔ Marta a jǝla gǝn gɔ, “Ɔɔ, Tɛlalɔ, n nǝ bɨlǝngkɛl mǝʊ nǝmɔ mʊ nǝn Kiristi Bʊla Kwaamaɨ, wʊnɨ bɛ lɛ a yoolii.”

Yohana 10:36

N wɛ a bwɨ jǝ́ sʊwa jengɔ n soga Kwaama a kwama mǝ sʊwa mǝʊ mǝ nǝn bʊla Kwaamaɨ? Nǝn Tɛtɛ a jǝg ɨ a kɛl dul maajɨ nɨɨ. Nǝn gɔ tag a twam ɨ a yoolii.

Markus 1:1

Wʊnɨ nǝn gɔ tǝltǝm fulon kɛl lǝmɨgɔ a dul Yesu Kiristii, Bʊla Kwaamaɨ.

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 27:43

A ya nǝl a daa Kwaama woi, bɛ Kwaama a jǝg gǝn kǝngkǝnɨ na swɨ gǝn nɛɨ. Kanga a sʊwa gɔ, gǝ nǝn Bʊla Kwaamaɨ.”

Matta 27:40

Jǝ sʊwa lɛ gɔ, “Mʊ nɨ mʊ kʌb Kan Kwaamanɔ lɛ ń yǝla ń mɔ tʌgo a mʊgɔ kumɔ taalɨ, bʊʊ nǝn dul mʊnɔ! Na mʊ nǝn Bʊla Kwaamaɨ, gun gǝla a dʌbʌl tɨya kʊʊtǝm nɨɨ.”

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

Ibranii 7:3

Mɨ nǝn tɛ, mɨ nǝn nɛ, mɨ nǝn guu nanǝga, mɨ nǝn kum bʌtʌm, mɨ nǝn kum bʊlatǝm, a jelka Bʊla Kwaamaɨ, a yǝlam nǝkǝla mɨ dɨtǝm wo.

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Markus 1:11

Nǝngɔ ja nyʊwa diilɔ a dʌbʌl kwama sʊwa lɛ gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

Matta 4:6

A sʊwa gǝn gɔ, “Na mʊ nǝn Bʊla Kwaamaɨ, gǝla mɔ. A mʊla mʊlaɨ tag gɔ, “ ‘Nǝ nǝ bɛtɔ twama gǝnɔ diil a dul mʊn, jǝ kɔ kɔ kang jinɔ ja kʌshi ń nǝn, kage ń ga naa a tɛl.’ ”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Yohana 20:28

Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”

Yohana 10:30

Mǝ nǝbɔ Tɛtɛ mɨ nǝn win.”

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.