Yakubu 5:9 - Dadiya NT

⁹ Kambɔ, jǝ́ bǝla kʊngatǝmɔ wo a kʊm jen, kage ja biyo jem borang. Nǝ biyotǝm borangɔ bɛ lɛ. N wɔ tɨm a nyanga kan.

Yakubu 5:9 Referans Kwoze

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Yakubu 4:11

Kambɔ, ka jǝ́ tolka lɛ. Nʊ nɨ tuwo kɨla gɔ nǝ bwangtǝm lɛɨ, gǝ tuwo diil Kwaamaɨ. Nʊ nɨ maa kɨla gɔ gǝm borang lɛɨ, gǝ maa diil Kwaamaɨ gǝm borang. Na ń maa diil Kwaamaɨ gǝm borangɨ, mɨ mʊ bwangtǝn diil Kwaamaɨ lɛ. Ń nǝ diilɔ bwɨlangkɛl.

Matta 24:33

Gǝ na nyɔ tag, na jǝ́ kuwo kanjǝl nɨ gwamɨ, bɛ jǝ́ nyǝm a dwama, tɨm a nyanga kan.

1 Bitrus 4:9

Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

1 Bitrus 4:5

Jǝ kiyo kiyo jʊtǝb nɨ ja maaɨ a kǝga Tɛlalɔɨ, wʊnɨ a fɛka fɛkaɨ sǝ a maa nǝbɔ gǝm nǝn kʊlɨɨ jǝbɔ nǝb nɨ a bʊlalaɨ gǝm borangɨ.

Galatiya 5:14

Jǝ́ maa nyɔ, jʊ a bwɨɨ diilɔ win a mʊrǝm diilɔ gwamɨ, diil nɨ nǝn gɔ, “Bɛ swɨ fwalɨ yɨm mʊnɔ na dul mʊnɔ.”

1 Korinti 10:11

Jʊ nɨ a bwɨ nǝn ji gwam sǝ a yǝlam bǝm mɛlalɨ. Ja mʊla ji sǝ a gʊ bǝm lɔl, bǝn nɨ dɨltǝm yooli nɨ a bɛ bǝmɨ.

Markus 13:29

Gǝ na nyɔ tag, na jǝ́ kuwo kanjǝl nɨ bwɨ lɛɨ, bɛ jǝ́ nyǝm a dwama, tɨm a nyanga kan.

2 Korinti 9:7

Gwam jenɔ bɛ jǝ́ nǝ kanga jǝ́ maa bʊʊlalɨɨ, ke bɔ sɨnatǝm jen jǝbɔ kaltǝm nǝl, jʊ a bwɨɨ Kwaamagɔ swɨ nʊ nɨ lɛ maa nǝtǝm lɛ nǝn fulotǝm nǝlɨ.

Markus 6:19

Hirudiya a ta Yohana a nǝl gǝn, swɨ lɛ a jʌ gǝn, a nya bɔ gola.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.

Yakubu 4:12

Nǝn Kwaama kwaagɔ win nǝ diil lɛɨ. Nǝn gɔ kwaagɔ win maa borang lɛɨ. Nǝn gɔ kwaagɔ win bʊʊ lɛ nǝn nǝlɨ. Nǝn gɔ kwaagɔ win nǝn kwaan jʌtǝmɨ. A dul kɛl nɨɨ, nǝmɔ mʊ wo, mʊ la nyɔ, mʊ nǝ fwalɨ yɨm mʊnɔ bwɨlangkɛl lɛɨ?

Yakubu 5:7

A dul kɛl nɨ kambɔ, jǝ́ yɨ yɨm kʊtǝm nǝl a yɔ nǝn a kwama Tɛlalɔ bɛm lɛɨ. Jǝ́ dʌng kʊtǝm nǝlɔ nǝ jʊngtǝm twamɔ gǝ maa lɛɨ, a yɔ nǝn a kwama nɨ twam gǝnɔ gǝ jǝgǝm dul lɛɨ. N kʊtǝm nǝl gǝ yam mwɛ kwala lɛ jǝbɔ mwɛ guli.

Yakubu 5:10

Kambɔ, jǝ́ bwangtǝn nǝbkuwotǝmkǝga nɨ a sʊwa kɛl a dun Tɛlalɔɨ. Jǝ́ maa mɛlalɨ nǝn bwatǝm nǝl jinɔ a mʊgɔ gaalan nɨ.