Yakubu 5:5 - Dadiya NT

⁵ Jǝ́ yɨ yɨm a mʊgɔ lǝma a yooli. Jǝ́ ja lɛ jǝ́ nɔɔ lɛ kanga jǝ́ swɨ lɛɨ. Jǝ́ dʊʊla na yʊwaltɨn nɨ yam kum biyotǝm jinɔ lɛɨ.

Yakubu 5:5 Referans Kwoze

1 Timoti 5:6

Nɔɔkʊla nɨ nyʊwa lǝma yɨm dul gǝn nɛɨ, win jǝbɔ nʊ nɨ a bʊla bʊlaɨ.

Luka 16:25

“Nǝngɔ Ibrahim a jǝla gǝn gɔ, ‘Bʊla mɨ, bʊʊla nǝn kwama nɨ mʊ nyʊwam lǝma lɛ, Liazaru gaala lɛɨ. Kwama nɨ kǝngkɨɨ, n kwama nyʊwatǝm lǝma Liazarui, mʊ tǝmʊn n kwama gʌtǝm mʊn.

Luka 16:19

Yesu a sʊwa ji gɔ, “Kaa nǝ shilo wo, gǝ dʊʊ dwang nyantɨn kwangkwang, gǝ ja jǝjalǝn nyan kwangkwang.

Dʊgam Nyangnyang 18:7

Gǝ gung dul gǝnɔ, gǝ nyʊwa lǝma lɛ. Jen tʌjen bɛ jǝ́ ywa gǝn nǝn gaalan jǝbɔ fitǝm nǝl sǝ a yɔ dǝngdǝng. Sʊwa lɛ a mʊgɔ nǝl gǝn gɔ, ‘Mǝ nɔɔfɔlɔ. Mǝ yǝm a dʌbʌl kotere fɔlɔn. Mǝ ke bɔ nɔɔkʊla, mɨsɔ mǝ ji wi bwaa lɛ.’ ”

Yahuza 1:12

Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.

2 Bitrus 2:13

Jǝ nɔɔ nɔɔ gaalan kanga ja nǝ nǝb nɨ gaalanɨ. Ja do gɔ jǝ nyʊwa lǝma lɛ, jǝ maa nɔɔlatǝm jǝbɔ maatǝm yʊwa nǝn sɨmang kɔkɔ. Yɨm jinɔ a kʊm jeni n jǝ gunidul, jʊ nɨ a bʊm bɔ tagɨ. Jǝ ja lɛ, jǝ nɔɔ lɛ jǝbɔ jen, jǝ maa jʊ nɨ lɛ jǝ swɨ lɛ ja maaɨ.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.