Yakubu 3:2 - Dadiya NT

² Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

Yakubu 3:2 Referans Kwoze

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

1 Bitrus 3:10

Jǝ́ maa jʊtǝb nɨ jʊ a bwɨɨ, a mʊla mʊlaɨ sʊwa lɛ gɔ, “Pʌd nʊ nɨ swɨ lɛ a nyʊwa lǝma yɨm gǝnɔ a yooli nɨɨ, bɛ ga ta ben gǝnɔ a sʊwalatǝm kɛl bwɨlan bɛ ga ta nyiyo gǝnɔ a sʊwalatǝm kɛl swagtǝm.

Matta 12:37

Kɛl mʊnɔ nǝn gɔ jǝg ń nɛɨ, nǝn gɔ nʊng bwɨlangkɛl mʊnɔ lɛɨ.”

Roma 3:10

Kanga a mʊla mʊlaɨ sʊwa lɛ gɔ, “Mɨ nʊ nɨ wo dǝngdǝngɨ, mɨ wo win,

Yakubu 1:4

Bɛ jǝ́ bǝla kʊtǝm nǝl jenɔ a yii maajɨ gǝnɔ, sǝ a yɔ nǝn jen a yɨm tatǝm dul jǝbɔ yɨm nyangǝn, jǝ́ gaa bɔ kaa jǝl.

Yakubu 2:10

Nʊ nɨ a kɨla diiltɨnɔ gwam, a kǝl wini, a kǝl pʌd.

1 Korinti 9:27

Jʊ mǝ maa lɛɨ, mǝ nǝ bʊtɔ mǝndɨ gaalan. N ya bʊtɔ mǝndɨ a jwaalɛn, kage na kwama mǝ dɨ kiyotǝm kaamɨ gǝm fulon kɛl lǝmɨ nɨɨ, ja mǝla ɨ fʌlen.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Galatiya 3:22

Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.

Roma 7:21

N kuwo, a yǝlam mɨ diil, na n swɨ maatǝm jǝ nyaɨ, jǝ bwɨlagɔ yǝm jǝbɔ mǝ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

Matta 12:34

Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi.