Yakubu 3:14 - Dadiya NT

¹⁴ A mʊgɔ nǝl jen, na jǝ́ maa nungon nɛ jǝbɔ swɨtǝm duli, ka jǝ́ maa lɛ lɨyal jengɔ jǝ́ nǝn yʊlan, ka jǝ́ bǝm lɛ bɨlǝngkɛlɔ.

Yakubu 3:14 Referans Kwoze

Yakubu 3:16

Daa nɨ gwam nungonɔ wo jǝbɔ swɨtǝm duli, n daagɔ kʊkkatǝmɔ jǝbɔ kanjǝl shilɔ wo gwamɨ.

1 Korinti 13:4

Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Filibii 1:15

Kaamɨ gǝ kiyo kɛl Kiristii a kɛl nungon jǝbɔ bangakatǝm. Kaamɨ gǝ kiyo a gola nyan.

Yakubu 5:19

Kɛtǝlam mɨ, na kaa win a kʊm jen a bǝla gola bɨlǝngkɛlɨ, bɛ kaa a kʊm jen a yǝla nǝn gɔ a gola.

Maajɨ Bɛtɔ Twamagɨɨ 5:17

Nǝngɔ dalɨ nǝkǝlagɔ jǝbɔ nǝb nɨ gwam jǝ dakinii, nǝb nya nǝbɔ Sadukiyaɨ, ja maa nungon jǝbɔ bɛtɔ twama nɨ dangǝn.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

1 Timoti 6:4

Dʊʊlǝn dulɔ a la gǝm daa, a nyǝm bɔ kaa jǝl. Nǝngǝn nǝn tatǝm kʊshɨn jǝbɔ gʊbkatǝm a dul kɛltɨn nǝn kwan, wʊnɨ gǝ bɛ lɛ nǝn nungon, jǝbɔ tʊlǝmɨ, jǝbɔ kalkatǝm dun, jǝbɔ nyǝmatǝm kanjǝl nɨ mɨ dǝngdǝngɨ.

1 Korinti 5:2

Jǝ́ maa sʊtɔ lɛ nǝn! A laa bɔ jǝl jǝ́ maa fitǝm nǝl ka? A laa bɔ jǝl jǝ́ jǝg nʊ nɨ maa bwɨlang maajɨ nɨ lɛɨ a kʊm jen ka?

Roma 2:8

A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

Galatiya 6:13

Nǝb nɨ jǝ maa jim biyotǝm mwɛnɨ, mɨ jǝ kɨla diil Musaɨ lɛ. N swɨtǝm jin gɔ jǝ biyo jem mwɛn, sǝ jǝ maa sʊtɔ nǝn jen gɔ jǝ biyo jem mwɛn.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

Galatiya 5:21

jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

Roma 2:17

Na ń sʊwa mɔʊ, mʊ bwɛ Yahudaɨ, na mʊ ya nǝl a diili, mʊ maa lɨyal lɛ nǝn Kwaamaɨ,

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

Maajɨ Bɛtɔ Twamagɨɨ 26:9

“Mǝ nǝn kang mɨ galɨgǝn n kuwo n dǝngdǝng n maa kanjǝlɔ a gǝlala, wʊnɨ kal dun Yesu Bwɛ Nazarat nɨ lɛ mɨsɔ ja kǝga lɛɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Matta 27:18

A kwɛl a nyǝm nyǝmɨ n kɛl nungon ja bwa Yesu ja nǝ gǝnɨ.

Maajɨ Bɛtɔ Twamagɨɨ 7:9

“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ.

Galatiya 5:20

jǝbɔ bwangtǝm shom, jǝbɔ wontǝm swan, jǝbɔ kii, jǝbɔ gʊbkan, jǝbɔ nungon, jǝbɔ nabwɨl, jǝbɔ swɨtǝm dul, jǝbɔ kʊkkan, jǝbɔ wʊlakatǝm,

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.