Yakubu 3:13 - Dadiya NT

¹³ Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.

Yakubu 3:13 Referans Kwoze

Galatiya 5:23

jǝbɔ shigtǝm dul, jǝbɔ tatǝm dul. Mɨ diil wo a maatǝm kanjǝl nɨɨ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

Matta 5:5

Bwiligɔ na a nǝb nɨ mɨ nǝn gungtǝm duli, jʊ a bwɨɨ kʊla tǝmɔ yǝlam a ji.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Titus 3:2

Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

Yakubu 2:18

Kaa nǝl sʊwa sʊwa gɔ, “Mɔ nǝngǝn nǝn nǝtǝm bɨlǝngkɛl, mǝ nǝngǝn nǝn maajɨtɨn.” Nʊng ɨ nǝtǝm bɨlǝngkɛl mʊnɔ nɨ mɨ nǝn maajɨ nyantɨnɨ, mǝ nʊng ń nʊng ń nǝtǝm bɨlǝngkɛl mǝndɨ nǝn maajɨ nyantɨn.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Yakubu 3:1

Kɛtǝlam mɨ, ka kɔrɔ jenɔ ya yǝlam lɛ nǝb mɛlalɨ, jǝ́ nyǝm nyɔ bǝn nɨ bǝ maa mɛlalɨ lɛɨ, jǝ maa bǝm borang a shilo a laa a tangǝn nǝbɨɨ.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

Galatiya 6:4

Bɛ jǝ́ tɛl maajɨ jenɔ win win gwam jenɔ. Na a bʊmɨ, sǝla jǝ́ maa lɨyal jǝbɔ jʊ nɨ mʊ maa nǝn dul mʊnɨ, mɨsɔ mʊ nʊng dul mʊnɔ lɛ jǝbɔ kaa nǝl.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

2 Korinti 8:24

Gǝ na nyɔ bɛ jǝ́ nʊng nǝb nɨ swɨtǝm jenɔ. Bɛ jǝ́ nʊng lɨyal nɨ nǝ maa lɛ nǝn jeni n bɨlǝngkɛl, sǝ mʊrkalɨtɨn nǝb bwangtǝm Kwaamaɨ a kuwo.

Matta 21:5

“Jǝ́ sʊwa nǝbɔ Sihiyonaɨ jengɔ, ‘Fɔlɔ jenɔ n wɔ bɛ lɛ a daa jen woi, mɨ gung dul lɛ, bɛ lɛ a dʌbʌl lungsong, n kal lungsong.’ ”

1 Bitrus 3:4

Bɛ bʊmǝn jenɔ a yǝlam a bʊʊlalɨ mʊgɔ nǝl. Bɛ dʊʊl jenɔ, jǝbɔ yʌbtǝm dul jenɔ, jǝbɔ lǝma nǝl jenɔ wʊnɨ mɨsɔ dumo lɛ woi a yǝlam jǝ yotǝm nyan a kǝga Kwaamaɨ.

1 Korinti 6:5

Mǝ sʊwa jʊ nɨ sǝ jǝ́ nyʊwa gunidul. Mɨ nʊ nɨ wo win nǝn nyǝmtǝm a kʊm jen dwal dɔ kʊm kambɨɨ lɛɨ ka?

Matta 7:24

“Nʊ nɨ a nyʊwa kɛl mǝndɨ a bwangtǝnɨ, gǝ na na nǝ yʊlan nɨ a mɔ lɔ gǝnɔ a dʌbʌl gamɨ.

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

1 Bitrus 1:15

Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.