Yakubu 2:14 - Dadiya NT

¹⁴ Kɛtǝlam mɨ, n wɛ nǝl nya lɛ na nǝl a nʊng gɔ gǝ nǝn nǝtǝm bɨlǝngkɛl, na maajɨ nyantɨn gǝnɔ a nʊng bɔ nyɨɨ. Nǝtǝm bɨlǝngkɛl gǝnɔ dwal dwal a bʊʊ nǝn gǝ ka?

Yakubu 2:14 Referans Kwoze

Luka 6:49

Nʊ nɨ nyʊwa kɛl mǝndɨ lɛɨ, mɨ maa maajɨ lɛ nǝnɨ, gǝ na na nʊ nɨ a mɔ lɔ gǝnɔ a swiyotii, a swa bɔ fʌlʌm kanɔ a dʌbʌl gamɨ. Kwama nɨ mwɛmɔ a bɛ tiyogɨɨ, nǝngɔ ba mǝg lɔ nɨɨ, nǝngɔ lɔngɔ a kʌbo gwamɨ. Yaltǝm lɔ nɨ a bwɨla.”

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

2 Bitrus 1:5

A dul kɛl nɨɨ, bɛ jǝ́ maa maajɨ nǝn kwaan, jǝ́ sʊtǝn a dul jʊ nɨ jǝ́ tǝl nǝnɨ. A dul nǝtǝm bɨlǝngkɛl jenɔ gǝmɨ, jǝ́ sʊtǝn nǝn nǝl nya. A dul nǝl nya jǝ́ sʊtǝn nǝn nyǝmtǝm jʊ nɨ a bʊmɨ.

Yakubu 2:26

Kanga bʊtɔ nǝlɨ mɨ nǝn kʊlɨ n bʌlʌni, nǝtǝm bɨlǝngkɛl nɨ mɨ nǝn maajɨ nyantɨnɨ, gǝ na na bʌlʌn.

Ibranii 11:17

N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Yakubu 2:18

Kaa nǝl sʊwa sʊwa gɔ, “Mɔ nǝngǝn nǝn nǝtǝm bɨlǝngkɛl, mǝ nǝngǝn nǝn maajɨtɨn.” Nʊng ɨ nǝtǝm bɨlǝngkɛl mʊnɔ nɨ mɨ nǝn maajɨ nyantɨnɨ, mǝ nʊng ń nʊng ń nǝtǝm bɨlǝngkɛl mǝndɨ nǝn maajɨ nyantɨn.

Maajɨ Bɛtɔ Twamagɨɨ 8:21

Mɨ mwɛ mʊn wo a jʊ nɨ gǝm, jʊ a bwɨɨ, nǝl mʊnɔ mɨ dǝngdǝng a kǝga Kwaamaɨ.

Matta 5:20

Mǝ sʊwa jen nɛ, na dǝngdǝng jenɔ a laa bɔ a nǝb mɛlalɨ diili jǝbɔ a nǝbɔ Farisaɨ, mɨsɔ jǝ́ dɔ fɔlɔn lɔ Kwaamaɨ lɛ wo.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

1 Korinti 15:2

Nǝn gɔ jǝ bʊʊ jen nɛ nǝnɨ, na jǝ́ ta fulon kɛl lǝmɨ nɨ mǝ kiyo jemi a bʊm bʊmɨ. Na jǝ́ ta bɔ a kwamɨ, nǝtǝm bɨlǝngkɛlɔ jenɔ nǝn tɨkǝgaɨ, n jǝl nǝn kwan.

Maajɨ Bɛtɔ Twamagɨɨ 15:9

A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.

Yakubu 2:16

nǝngɔ kaa win a kʊm jen a sʊwa ji gɔ, “Jǝ́ ya kwamɨgǝn. Bɛ Kwaama a nǝ jen jǝjalǝnɔ jǝbɔ jǝ dʊtǝmɔ.” A maa bɔ kaa jǝl a jʊ nɨ ja gaa nyatǝmɨ, n wɛ jʊ nɨ nʊng lɛɨ?

1 Timoti 4:8

Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

Maajɨ Bɛtɔ Twamagɨɨ 8:13

Saminu nǝn kang gǝn a nǝ bɨlǝngkɛl, ja yʊ gǝn mwɛ sagsagɔ. Nǝngɔ a mʊrka dul jǝbɔ Filibusi. A kuwo Filibus maa daltɔ kanjǝl laatǝm kang lɛɨ, nǝngɔ a ta kang a nyiyoi.

1 Korinti 16:22

Nʊ nɨ gwam mɨ swɨ Tɛlalɔ lɛɨ, bɛ a yǝlam nǝ lagtǝm. Tɛlalɔ bǝn, bɛ!

Roma 2:25

Biyotǝm mwɛnɔ a bʊm, na mʊ bwangtǝn diilɔ lɛɨ. Na mɨ mʊ bwangtǝn lɛɨ, biyotǝm mwɛn mʊnɔ mɨ a nyiyo kaa jǝl.

Luka 3:11

Nǝngɔ a jǝla ji gɔ, “Gwam nʊ nɨ nǝn bɛllɛgɔ yoi, ga tǝga jǝbɔ nʊ nɨ mɨ nǝnɨ. Nʊ nɨ nǝn jǝjalǝnɨ ga maa nyɔ.”

Yakubu 1:16

Kɛtǝlam mɨ nɨ mǝ swɨ lɛɨ, ka jǝ́ jǝla lɛ ja swag jen.