Yakubu 1:18 - Dadiya NT

¹⁸ Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

Yakubu 1:18 Referans Kwoze

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

Yohana 1:13

Ja yǝlam bɔ bɛtɔ lɔ gɨɨ a gola nǝfitʌmi, ke bɔ a gola wɛl bʊtɔ jǝbɔ swɨtǝm nǝfitʌmi, n Kwaama nǝn kang gǝn nǝn gɔ nǝn Tɨya jii.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.

Afisa 1:12

sǝ nǝn nɨ nǝ tǝl nǝ ya nǝl galɨgǝn a daagɔ Kiristi woi, nǝn bǝlá dʊʊlǝn gǝnɔ.

1 Yohana 3:9

Nʊ nɨ gwam n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl, jʊ a bwɨɨ, kʊlɨ Kwaamaɨ yǝm a mʊgɔ gǝn. Mɨsɔ dwal lɛ a ja kǝga nǝn maatǝm bwɨlangkɛl, jʊ a bwɨɨ gɔ n bʌtʌm Kwaamaɨ.

Ibranii 12:23

Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

Roma 4:17

Kanga a mʊla mʊlaɨ gɔ, “N dǝg ń ń yǝlam tɛ a bǝlǝntǝmɔ gǝm a lada.” Nǝn gɔ nǝn tɛtɛ bǝn a kǝga Kwaamaɨ, wʊnɨ ga nǝ bɨlǝngkɛl a daa gǝ woi. Nǝn gɔ nǝ kʊlɨ lɛ a bʌlʌntɨnɨ. Nǝn gɔ nǝn kwaan jotǝm jʊtǝb nɨ mɨ woi a yǝlam woi.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

2 Timoti 2:15

Bɛ ń sʊtǝn kwaan maajɨ, sǝ ń yǝlam nǝ jǝlatǝm a daagɔ Kwaama woi, nǝ maajɨ nɨ mɨ gola nɨ wo nyʊwa gunidul lɛɨ, wʊnɨ mɛla bɨlǝngkɛlɔ lɛ dǝngdǝngɨ.

Yakubu 1:15

Bwɨlang wɛlɔ na a do fʌli, gǝ bʌm bwɨlangkɛl. Bwɨlangkɛlɔ na a dʊʊlɨ, gǝ bʌm bwaa.

Yakubu 3:14

A mʊgɔ nǝl jen, na jǝ́ maa nungon nɛ jǝbɔ swɨtǝm duli, ka jǝ́ maa lɛ lɨyal jengɔ jǝ́ nǝn yʊlan, ka jǝ́ bǝm lɛ bɨlǝngkɛlɔ.