Yakubu 1:12 - Dadiya NT

¹² Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Yakubu 1:12 Referans Kwoze

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Yakubu 5:11

Nǝb nɨ a kʊ nǝlɨ, bǝ sʊwa bǝngɔ nǝb fulotǝm nǝl. Jǝ́ nyʊwa kɛl kʊtǝm nǝl Ayubaɨ. Jǝ́ nyǝm kanga Tɛlalɔ a nǝ gǝn bwili a dɨltǝmɨ, Tɛlalɔ n nǝ tɨkalɨ, n nǝ jitǝm bʊnǝn.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Matta 10:22

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

1 Korinti 9:25

Gwam nǝb nɨ maa gaan bangatǝm lɛɨ, jǝ mwɛ dul jinɔ a golantɨnɔ gǝm gwam. A jinɔ jǝ maa nyɔ, sǝ ja nya dwang dul nɨ kala lɛɨ. A bǝnɔ mɨsɔ kala lɛ wo.

1 Bitrus 3:14

Na jǝ́ nɔɔ nɔɔ gaalan a dul maatǝm jʊ nɨ n dǝngdǝngɨ, jǝ́ nǝb bwilitɨn. “Ka jǝ́ nyʊwa lɛ taal jinɔ. Ka jǝ́ kom lɛ dul jenɔ.”

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

1 Korinti 2:9

Kanga a mʊla mʊlaɨ sʊwa lɛ gɔ, “Kanjǝl nɨ nugɔ a kuwo bɔ woi, lɔlɔ a nyʊwa bɔ woi, a dɔ bɔ mʊgɔ nǝl nǝlɨ woi, n kanjǝlɔ Kwaama a fɛka nǝb nɨ gǝm swɨ gǝn nɛɨ.”

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

1 Korinti 8:3

Na kaa nǝl swɨ Kwaama lɛɨ, Kwaama a nyǝm gǝn.

Dʊgam Nyangnyang 3:19

“Nǝbɔ mǝ swɨ lɛɨ, n nǝbɔ mǝ gʊ jim lɔl lɛɨ, n nǝbɔ mǝ mwɛ ji lɛɨ. Maa kwaan bʊtɔ, ń yǝla ń bǝla bwɨlangkɛl mʊnɔ.

Ibranii 10:32

Bɛ jǝ́ bʊʊla, nǝn joltɨn nɨ a shui, nǝn kwama jǝ́ yem bɨlǝngkɛlɨ, jǝ́ kʊ nǝl nǝn gaalanɔ jǝbɔ gʌtǝmɨ.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Ibranii 11:17

N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.

Ibranii 12:5

Jǝ́ twabǝm kʊʊtǝm nǝl nɨ Kwaama a maa jem gɔ jǝ́ bɛtɔ lɔ gɨɨ ka? Wʊnɨ gɔ, “Bʊla mɨ, bɛ ka ń soga lɛ mwɛl Tɛlalɔɨ. Ka ń dem lɛ nǝl na mwɛ ń nɛɨ.

Luka 6:22

Bwiligɔ na a jen, jǝ́ nǝbɔ ja kɔ jeni, ja jǝgǝm jen, jǝ tuwo jen nɛɨ, jǝ kal dun jenɔ lɛ a kɛl dul Bʊla Nǝlɨ.

Roma 5:4

Bwatǝm nǝlɔ nǝn gɔ gǝ bɛ lɛ nǝn nǝl nyaɨ. Nǝl nyagɔ tag nǝn gɔ bɛ lɛ nǝn yatǝm nǝlɨ.

2 Timoti 2:15

Bɛ ń sʊtǝn kwaan maajɨ, sǝ ń yǝlam nǝ jǝlatǝm a daagɔ Kwaama woi, nǝ maajɨ nɨ mɨ gola nɨ wo nyʊwa gunidul lɛɨ, wʊnɨ mɛla bɨlǝngkɛlɔ lɛ dǝngdǝngɨ.

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.