Yahuza 1:6 - Dadiya NT

⁶ Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Yahuza 1:6 Referans Kwoze

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

Ibranii 10:27

N gʌleng jǝ yaltǝm kuli a borang nɨ bɛ lɛɨ, jǝbɔ kǝla nɨ a shilo shiloi, wʊnɨ twɨ nǝb kiim Kwaamaɨ lɛɨ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Yahuza 1:13

Ja maa na fʊnɨ mwɛ wɨma wʊnɨ mʊla lɛɨ, jǝ maa lɨyal lɛ nǝn gunidul jinɔ. Jǝ maamɔ nyanyamɨtɨn nɨ gǝ dǝngla tǝm lɛɨ, wʊnɨ ja fɛka gǝm daa kumtojili nɨ mɨ dɨtǝm woi.

Dʊgam Nyangnyang 20:2

A ta sɔɔ bwɨla nɨ, wʊnɨ nǝn gɔ gʌleng sɔɔ dʊʊ galɨgɨɨ, wʊnɨ nǝn gɔ Mammɨ, a bwa gǝn jolɔ fʊlkʊblǝn.