Yahuza 1:23 - Dadiya NT

²³ Jǝ́ bʊʊ nǝn kaam nǝbɔ, maamɔ jǝ́ gʊm ji a kǝla. Tangǝn jinɔ jǝ́ ji bʊnǝn jinɔ nǝn nyʊwatǝm taal jʊ ja maaɨ a mʊgɔ nǝl jen, ka jǝ́ maa lɛ jʊ ja maaɨ. Jǝ́ sama kang a bɛllɛtɨn jinɔ gǝm wʊnɨ ja kal nǝn bwɨlang nǝl na yɨm nǝfilii.

Yahuza 1:23 Referans Kwoze

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

1 Korinti 15:33

Ka ja swag jen nɛ! “Yɨm jǝbɔ nǝb bwɨlan gǝ kal kal nǝ nya.”

Dʊgam Nyangnyang 3:4

“A bɛ nǝn a kǝngkɨɨ mʊ nǝn kaamɨ wo nǝn dǝm nyɔ a Sardisu, mɨ ji nǝn duto a dul jin. Jǝ yɔ yɔ yɔm jǝbɔ mǝ nǝn dwang fulontɨn, jʊ a bwɨɨ ja la nyɔ.

Dʊgam Nyangnyang 3:18

A dul kɛl nɨ mǝ nǝ ń nyiyo lɛ, bɛ ń ten mʊnɔ a daa mɨ woi, wʊnɨ ja saalǝm nǝn kǝlaɨ, sǝ ń yǝlam nǝ shilo. Bɛ ń ten dwang fulontɨnɔ mʊ dʊʊ lɛɨ tag, sǝ ń sɔm kʊnkʊn mʊnɔ nǝn, kage ń nyʊwa gunidul. Bɛ ń ten nwang waatǝmɔ a nu, sǝ ń nya kuwotǝm daa.

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

1 Korinti 3:15

Na maajɨ nǝlɨ a twɨmɨ, mɨsɔ nya kaa jǝl lɛ. Nʊ gɔ bʊʊ bʊʊ, maamɔ nʊ nɨ a bʊʊ a ben kǝlaɨ.

2 Korinti 5:11

Kanga nǝ nyǝm nǝn nyʊwa taal Tɛlalɔɨ lɛɨ, n jʊ a bwɨ nǝn gʊ nǝbɔ lɛ a daagɔ Kwaama woi. Kwaama a nyǝm nǝn, nǝn ya nǝl lɛ jen tʌjen gǝ na nyɔ a nǝl jen.

2 Yohana 1:11

Gwam nʊ nɨ a maa gǝm yaltǝm nǝn bɛtǝmɨ, mʊrka mʊrka dul jǝbɔ gɔ a bwɨlang maajɨ gǝnɔ gǝm.

Yahuza 1:22

Jǝ́ ji bʊnǝn nǝb nɨ kɨɨ nǝl lɛɨ.