Yahuza 1:15 - Dadiya NT

¹⁵ sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

Yahuza 1:15 Referans Kwoze

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Roma 2:16

Jʊ nɨ bwɨ nǝn kumɔ Kwaama maa nǝfitʌmɔ gǝm borang lɛ a gola Yesu Kiristii, a jʊ nɨ jǝ maa lɛ daddadɨ, kanga fulon kɛl lǝmɨ nɨ mǝ kiyo lɛɨ a sʊwaɨ.

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

Roma 14:10

Mɔ, n wɛ a bwɨ mʊ kuwo kɨla mʊ lɛ nǝn bwɨlanɨ? N wɛ a bwɨ mʊ soga kɨla mɔ lɛɨ? Pʌd bǝnɔ bǝ tɨ tɨ a kǝga Kwaamaɨ, wʊnɨ maa bǝm borang lɛɨ.

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

Dʊgam Nyangnyang 13:11

Nǝngɔ mǝ kuwo kaa yʊwal bwɨla jel lɛ a mʊgɔ tǝmɨ. Nǝngǝn nǝn jumtɨnɔ yo maamɔ bɛ gal. Kɛl gǝnɔ maamɔ gʌleng sɔɔ dʊʊ.

Yahuza 1:16

Nǝb nɨ n nǝb kʊngatǝm kɛl. N nǝb kaltǝm nǝbɨɨ nǝn nyiyo. Jǝ bwangtǝn wɛl nǝl jin. Jǝ maa lɨyal nǝn dul jin. Jǝ nǝ lǝma nyiyo sǝ ja nya jʊ jǝ swɨ lɛɨ.

1 Korinti 5:13

Nǝn Kwaama gǝ mwatɨ borang nǝb nɨ lɛ mɨ jǝbɔ bǝnɨ. Kanga mʊlalɨgɔ a sʊwa gɔ, “Bɛ jǝ́ kaa nǝ bwɨla nɨ a kʊm jeni.”