Yahuza 1:1 - Dadiya NT

¹ Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

Yahuza 1:1 Referans Kwoze

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

Yohana 14:22

Nǝngɔ Yahuza (ke bɔ Yahuza Iskariyoti) a bʌ gǝn gɔ, “Tɛlalɔ, a maa nyǝn, mʊ nʊng dul mʊnɔ lɛ a daa nǝn woi, ke bɔ a daa tangǝn nǝbɔ yoolii woi?”

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

Yakubu 1:1

Nǝmǝ mǝ Yakubu, bwɛ jwaalɛ Kwaamaɨ jǝbɔ a Tɛlalɔ Yesu Kiristii. Mǝ mʊla langǝn bwangǝn nɨ mǝ tʊng a daagɔ dʊʊm nɨ a bel kʊb jeli yo a kwɨya tǝmɔ nǝn kwan a mʊgɔ yooli nɨɨ. Mǝ yal jen nɛ.

2 Timoti 4:18

Tɛlalɔ bʊʊ bʊʊ nǝn mǝ a bwɨlang kanjǝlɔ gǝm gwam, sǝ a kɨla ɨ, a yɔ nǝn mǝ a fɔlɔn gǝnɔ gǝm a dʌbʌli. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

Maajɨ Bɛtɔ Twamagɨɨ 27:23

“A kum nɨ dʊgalǝnɨ, bwɛ twama Kwaamaɨ wʊnɨ mǝ na a gɨɨ, wʊnɨ mǝ bǝlá gǝn nɛɨ, a tɨ nǝn dɔɔm a daa mǝ woi.

Luka 6:16

Yahuza bʊla Yakubui, jǝbɔ Yahuza Iskariyoti (nʊ a lungto Yesui).

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Yohana 17:17

Kɛl mʊnɔ n bɨlǝngkɛlɨ. Bɛ ń saal ji sagsag a gola bɨlǝngkɛl.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 6:39

Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Markus 3:18

jǝbɔ Andarawas, jǝbɔ Filibus, jǝbɔ Bartalamawas, jǝbɔ Matta, jǝbɔ Toma, jǝbɔ Yakubu bʊla Halfaɨ, jǝbɔ Tadawus, jǝbɔ Saminu nǝ swɨtǝm tǝm gǝn,

Matta 10:3

jǝbɔ Filibus, jǝbɔ Bartalamawas, jǝbɔ Toma, jǝbɔ Matta wʊnɨ yo kemʌn tǝm lɛɨ, jǝbɔ Yakubu bʊla Halfaɨ, jǝbɔ Tadawus,

Matta 13:55

Bwɛ nɨ n ke bɔ bʊla nǝ fɛlatǝm daa yɨmtɨn nɨ ka? Nɛnɛ gɔ ke bɔ Maryamu ka? Kɛtǝlam gǝnɔ, jǝ ke bɔ bǝ Yakubu, jǝbɔ Yusufu, jǝbɔ Saminu, jǝbɔ Yahuza ka?

Markus 6:3

Bwɛ nɨ ke bɔ bʊla Maryamui ka? Kɨla bǝ Yakubui, jǝbɔ Yusufu, jǝbɔ Yahuza, jǝbɔ Saminu nǝ fɛlatǝm kanjǝl nɨ ka? Kɛtǝlam gǝnɔ nɔɔtǝnɔ bǝ yǝm dakinii ka?” Ja kal nǝl nǝn kanjǝl nɨ gǝ maa lɛɨ.

Roma 1:6

Jǝ́ na a kʊm Bʌtʌb nɨ Yesu Kiristi a jǝgamɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.