Titus 3:8 - Dadiya NT

⁸ Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Titus 3:8 Referans Kwoze

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Titus 1:9

nʊ nɨ a ta kɛl nɨ gwanggwang dǝngdǝng kanga ja mɛla gǝmɨ, sǝ a kʊʊ nǝbɔ gǝm nǝl nǝn mɛlalɨ nyan, sǝ a kal nǝb nɨ kɔ kɛl nɨ lɛɨ.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Timoti 1:15

Kɛl bɨlǝngkɛlɔ n wɔ, a la yotǝm wʊnɨ sʊwa lɛ gɔ, “Kiristi Yesu a bɛ a yooli nɨ sǝ a bʊʊ nǝn nǝb bwɨlangkɛlɔ.” A kʊm ji gwam nǝmǝ mǝ laa jii.

Roma 4:5

Nʊ nɨ a ya bɔ nǝl gǝnɔ a maajɨ nyatǝmɨ, a ya nǝl gǝnɔ a daa Kwaama woi, Kwaama nɨ dǝg nǝb bwɨlangkɛlɔ lɛ a yǝlam nǝb dǝngdǝngɨ, a kiyo nǝtǝm bɨlǝngkɛl gǝnɔ n dǝngdǝng.

Yohana 12:44

Nǝngɔ Yesu a gung diilɔ gɔ, “Gwam nʊ nɨ a nǝ bɨlǝngkɛl a daa mɨ woi, a nǝ bɔ a daa mɨ woi kwaamɨ, a nǝ bɨlǝngkɛlɔ a daa nʊ nɨ woi a twam ɨɨ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Filimon 1:11

Galɨgǝn mɨ nǝn tɨkalɨ a daa mʊ woi. Kǝngkǝnɨ nǝn tɨkalɨ a daa bǝn woi, mǝ jǝbɔ mɔ.

2 Korinti 4:13

A yǝlam nyɔ nǝn nǝn Yʊwa nǝtǝm bɨlǝngkɛlɔ win jǝbɔ nʊ nɨ a maa mʊlalɨ nɨɨ, “N nǝ bɨlǝngkɛl, n jʊ a bwɨ mǝ sʊwa kɛlɨ.” Nǝn tǝnǝn nǝn nǝ bɨlǝngkɛl, n jʊ a bwɨ nǝn sʊwa kɛl lɛɨ.

Maajɨ Bɛtɔ Twamagɨɨ 12:15

Nǝngɔ ja sʊwa gǝn gɔ, “Mʊ nǝ wabɨ ka?” A tɨtǝn sʊwa lɛ. Nǝngɔ ja sʊwa gɔ, “N bwɛ twama Kwaamaɨ nɨ tɔɔ gǝn nɛɨ.”

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Timoti 2:8

A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

Ibranii 10:24

Bɛ ya bǝ dʌngko lɛ sǝ bǝ kʊʊka nǝl, bǝ swɨka lɛ jǝbɔ maatǝm jǝ nyan.

Matta 20:4

Nǝngɔ a sʊwa ji gɔ, ‘Jǝ́ yɔ tʌjen a tɔtwam mɨ ya jǝ́ maa maajɨgɔ, mǝ ywa jen ywa dǝngdǝng jʊ jǝ ywa lɛɨ.’