Titus 3:2 - Dadiya NT

² Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

Titus 3:2 Referans Kwoze

Afisa 4:31

Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

1 Timoti 3:3

Ke bɔ nǝ nɔɔtǝm jʊ nɨ maa gǝn nɛɨ, ke bɔ nǝ saatǝm kɨlan, n nǝ shigtǝm dul, ke bɔ nǝ tʊlǝm, ke bɔ nǝ swɨtǝm kemʌn.

1 Bitrus 3:10

Jǝ́ maa jʊtǝb nɨ jʊ a bwɨɨ, a mʊla mʊlaɨ sʊwa lɛ gɔ, “Pʌd nʊ nɨ swɨ lɛ a nyʊwa lǝma yɨm gǝnɔ a yooli nɨɨ, bɛ ga ta ben gǝnɔ a sʊwalatǝm kɛl bwɨlan bɛ ga ta nyiyo gǝnɔ a sʊwalatǝm kɛl swagtǝm.

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

Yakubu 4:11

Kambɔ, ka jǝ́ tolka lɛ. Nʊ nɨ tuwo kɨla gɔ nǝ bwangtǝm lɛɨ, gǝ tuwo diil Kwaamaɨ. Nʊ nɨ maa kɨla gɔ gǝm borang lɛɨ, gǝ maa diil Kwaamaɨ gǝm borang. Na ń maa diil Kwaamaɨ gǝm borangɨ, mɨ mʊ bwangtǝn diil Kwaamaɨ lɛ. Ń nǝ diilɔ bwɨlangkɛl.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

1 Tasalonikaɨ 2:7

Nǝn dʌng jen nɛ kanga nɛ bwɛ gǝ dʌngʌm bɛtɔ lɔ gɨɨ lɛɨ.

Filibii 4:5

Bɛ nǝbɔ gwam a kuwo shigtǝm dul jenɔ. Bɛtǝm Tɛlalɔɨ a dwama.

1 Korinti 9:19

Mǝ ke bɔ bwɛ jwaalɛ kaa nǝlɨ sul, n dǝg dul mǝndɨ n yǝlam bwɛ jwaalɛ nǝbɨɨ gwam, sǝ n gʊ nǝbɔ a lada a daa Kiristi woi.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

Maajɨ Bɛtɔ Twamagɨɨ 23:5

Nǝngɔ Bulus a sʊwa gɔ, “Kambɔ, mǝ nyǝm bɔ mǝʊ nǝn gɔ n dalɨ nǝkǝlagɨɨ. A mʊla mʊlaɨ gɔ, ‘Ka ń tuwo lɛ nǝ dʊʊ nǝbɨɨ.’ ”

Yahuza 1:10

Nǝb nɨ soga kanjǝl nɨ lɛ ja nyǝm bɨɨ, kanjǝl nɨ ja nyǝmɨ na a bʊtɔ, ja maa na yʊwaltɨn, mɨ ji nǝn yʊlan, gola dɨltǝm jinɔ n kalatǝm.

Yahuza 1:8

Gǝ na nyɔ tag, nǝb nɨ a sʊlam a dɔ kʊm jeni, ja kalǝm bʊtɔ jinɔ nǝn dʊgam jinɔ. Ja kɔ bwangtǝm fɔlɔnɔ. Ja kal dun bɛtɔ twama Kwaamaɨ.

2 Bitrus 2:10

A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.

1 Bitrus 4:4

A yǝlam fatǝlam jenɔ gǝm galɨgǝnɨ jǝ tatǝm kang a nyiyo gɔ, mɨ jǝ́ mʊrka dul lɛ jǝbɔ ji kǝngkɔ a maatǝm kanjǝl bwɨlantɨn. Jǝ tuwo jen nɛ.

1 Korinti 6:10

jǝbɔ nǝbkuumɔ, jǝbɔ nǝb wɛlɔ, jǝbɔ nǝbɔ a nɔɔ bʊgɛ maa ji lɛɨ, jǝbɔ nǝb tuwolatǝm tuwolɔ, jǝbɔ nǝb jatǝm mɨbamɔ, mɨsɔ jǝ nya kʊla fɔlɔn lɔ Kwaamaɨ lɛ.