Titus 3:14 - Dadiya NT

¹⁴ Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 3:14 Referans Kwoze

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Matta 7:19

Tɨya nɨ a tʊʊ bɔ tʊʊl nyanɨ, jǝ mwatɨ gǝn jǝ mal a mʊgɔ kǝla.

2 Bitrus 1:8

Na jǝ́ nǝngǝn nǝn kanjǝl nɨ a lada a nǝl jeni, nyǝmtǝm Tɛlalɔ bǝn Yesu Kiristii nɨ jǝ́ nǝngǝn a nǝl jeni, kɨla jen kɨla a yɨmɔ nǝn kwanɨ, jǝbɔ yɨmɔ mɨ nǝn kaa tɨkalɨɨ.

Filibii 4:17

Mǝ sʊwa bɔ mǝʊ mǝ saa lǝma a daa jen woi. Mɨ nyɔ. Mǝ swɨ lɛ jǝ́ nya jʊ nɨ sʊ jem bwili lɛ a nǝtǝmɔ jǝ́ maa lɛɨ.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 15:8

Jǝ́ maa maajɨtɨn nɨ Kwaama swɨ lɛɨ, sǝ a nʊng jǝ́ bɛtɔ mɛlalɨ mɨ. Jʊ nɨ nǝn gɔ bɛ lɛ nǝn dʊʊlǝn Tɛtɛ mɨɨ.

2 Tasalonikaɨ 3:8

Nǝn ja bɔ jǝjalǝn jenɔ nǝn kwan. Nǝn nɔɔ gaalan jǝbɔ gʌtǝm. Nǝn maa maajɨ lɛ kum jǝbɔ kɔkɔ kage nǝn ya jem tuulo.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Matta 21:19

A kuwo kaa tɨya dʌfengɔ a kʌng golaɨ, nǝngɔ a yɔ a daa tɨyagɔ woi, a nya bɔ tʊʊl wo, ka langǝn. Nǝngɔ a lag tɨyagɨɨ gɔ, “Mɨsɔ mʊ tʊʊ tʊʊl lɛ wo tag.” Tʌgo a kang tɨyagɔ a swamǝm.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

Roma 15:28

Na kwama mǝ dɨ maajɨ nɨɨ, mǝ nǝ ji tɨkalɨ nɨ kwamɨgǝnɨ, mǝ tɨ tɨ n yal jen a gola yɔm mɨ a tǝm Asbaniya.

Roma 12:13

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

Filibii 4:16

Nǝn kwama nɨ mǝ a tǝm Tasalonikaɨ, jǝ́ twam mɨ tɨkalɨ ke bɔ naagɔ win, ke bɔ naagɔ yo.

Titus 2:8

jǝbɔ kɛl nya nɨ mɨsɔ jǝ tuwo gǝn nɛɨ, sǝ nǝb kiim mʊnɔ a nyʊwa gunidul mɨ ji nǝn jǝ bwɨla nɨ jǝ sʊwa lɛ a dul bǝnɨ.