Titus 3:1 - Dadiya NT

¹ Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

Titus 3:1 Referans Kwoze

Matta 22:21

Nǝngɔ ja sʊwa gǝn gɔ, “Na a Kaisarɨ.” Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.”

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Timoti 1:6

N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Yahuza 1:5

Mǝ swɨ lɛ na n bʊʊla jem, jǝ́ kwɛl jǝ́ nyǝm kanjǝl nɨ dangǝn, Tɛlalɔ a jǝg nǝbam gǝnɔ a tǝm Masar. Nǝn guli, a jʌbo nǝb nɨ a nǝ bɔ bɨlǝngkɛlɨ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.