Titus 2:5 - Dadiya NT

⁵ Bɛ ja yǝlam nǝb tatǝm dul, nǝb nǝl sagsag, nǝb nɨ dʌng lɔ lɛɨ, nǝb maatǝm lǝma, nǝb nɨ nǝ batǝlam jinɔ dʊʊn nɛɨ, kage ja tuwo kɛl Kwaamaɨ.

Titus 2:5 Referans Kwoze

Kolosii 3:18

Jǝ́ nɔɔtǝm naatǝmɔ, jǝ́ bwangtǝn batǝlam jenɔ kanga a daa tʌgo a gola Tɛlalɔɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Afisa 5:33

Bɛ balɨ a swɨ nwala gɔ kanga ga swɨm dul gǝnɨ. Bɛ nɔɔlɨ a nǝ bwɨla gɔ shigtǝm dul.

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

1 Timoti 6:1

Gwam jwaalɛb nɨ nǝb bwangtǝmɨ, bɛ ja do tɛlalɔtɨn jinɔ a la nyɔ ja nǝ ji dʊʊn, kage ja kal dun Kwaamaɨ jǝbɔ mɛlalɨ bǝnɔ.

1 Korinti 14:34

Bɛ nɔɔtǝmɔ a yɨ shig a mʊrkalɨtɨn nǝb bwangtǝm Kwaamaɨ, ja nǝ ji bɔ gola sʊwatǝm kɛl. Bɛ ja bwangtǝn nǝb dʊʊmɔ kanga diil Musaɨ a sʊwaɨ.

1 Korinti 11:3

Mǝ swɨ lɛ jǝ́ nyǝm nyɔ, nǝ dʊʊ balɨɨ nǝn Kiristi. Nǝ dʊʊ nɔɔlɨɨ nǝn bwɨla gɔ. Nǝ dʊʊ Kiristii nǝn Kwaama.

Roma 2:24

Kanga a mʊla mʊlaɨ gɔ, “N kɛl dul jen Bʌtʌbɔ kal dun Kwaamaɨ lɛɨ.”

Maajɨ Bɛtɔ Twamagɨɨ 9:39

Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Roma 14:16

Bɛ ka jʊ nɨ mʊ do n dǝngdǝng a kuwotǝm mʊnɨ a yǝlam jǝ tuwol a daa kaamɨ woi.

Titus 2:4

Dɨsɔ ja mɛla kal nɔɔtǝmɔ gǝm ja swɨ batǝlam jinɔ jǝbɔ bɛtɔ lɔ jii.