Titus 2:3 - Dadiya NT

³ A na nyɔ, bɛ ń mɛla nɔɔtǝm dʊʊmɔ gǝm nyɔ tʌji ja yɨ yɨm nɨ dʊʊl Kwaama lɛɨ. Bɛ ka ja yǝlam lɛ nǝb yʊʊlatǝm nǝbɨɨ, jǝbɔ nǝb wɛl nɔɔlatǝm bʊgɛ. Bɛ ja yǝlam nǝb maatǝm mɛlalɨ nya.

Titus 2:3 Referans Kwoze

Titus 2:4

Dɨsɔ ja mɛla kal nɔɔtǝmɔ gǝm ja swɨ batǝlam jinɔ jǝbɔ bɛtɔ lɔ jii.

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

1 Timoti 3:8

A na nyɔ nǝb maajɨ a mʊrkalɨ nǝb bwangtǝm Kwaamaɨ, bɛ ja yǝlam nǝb nɨ a dǝg kang jinɔ a sʊɨ, ke bɔ nǝb nɨ nyiyogɔ yoi, ke bɔ nǝb nɔɔtǝm jʊ nɨ maa ji lɛɨ, ke bɔ nǝb wɛl.

Roma 16:2

Jǝ́ yo gǝn kangɔ yo yo a mʊgɔ dun Tɛlalɔɨ, kanga a daa tʌgo a nǝb nɨ sagsagɨ. Jǝ́ nǝ gǝn tɨkalɨ nɨ swɨ lɛ a daa jen woi. Jǝ́ maa nyɔ jʊ a bwɨɨ gǝ nǝn dul gǝn a tɨka nǝbɔ a lada, jǝbɔ mǝ tǝmɨ a kʊm jin.

Afisa 5:3

Bɛ ka jǝ́ kiyomtǝn nɛ kɛl a dul bulon jǝbɔ maajɨ kalalɨ, jǝbɔ wɛl a kʊm jen. Sʊwatǝm kɛl a dul bwɨlangkɛltɨn nɨɨ, a bʊm bɔ a kʊm nǝb sagsagɨɨ.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Ibranii 5:12

Kǝngkǝnɨ na a bʊm nyɔ jǝ́ yǝlam nǝb mɛlalɨ sul, jǝ́ saa lɛ kaa nǝl a yǝla a mɛla jem kɛltɨn tǝltǝm kɛl Kwaamaɨ tag. Jǝ nǝ jen yʊl, ke bɔ jǝjalǝn nɨ a kwamɨ.

1 Timoti 5:23

A kǝga nɨ ke bɔ mwɛ kwaagɔ mʊ nɔɔ lɛɨ. Bɛ ń nɔɔ bʊgɛmɔ dǝm, a kɛl dul fʌl mʊnɔ jǝbɔ kʊngan bʊtɔ mʊnɔ.

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,