Titus 2:11 - Dadiya NT

¹¹ Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Titus 2:11 Referans Kwoze

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Ibranii 2:9

Nǝn Yesu bǝ kuwoi, wʊnɨ a kumtɨnɔ nǝn dǝm nyɔ a dǝg gǝn a la bɔ bɛtɔ twama Kwaamaɨ. Kǝngkɔ ja nǝ gǝn gungtǝm jǝbɔ dʊʊlǝn, n kɛl nɔɔtǝm gaalan gǝnɔ a yɔ nǝn a bwaaɨ. N dul kɛl lǝma Kwaamaɨ, Yesu a bʊla a kɛl dul nǝbɨɨ gwamɨ.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Roma 5:15

Nǝtǝm Yesui nɨ mɨ dǝngdǝng jǝbɔ bwɨlangkɛl Adamui. Bwɨlangkɛl nʊ nɨ wini a gʊ nǝb nɨ a lada nyɨɨ gǝm bwaa. La na nyǝn a lǝma Kwaamaɨ jǝbɔ nǝtǝm nɨ a bɛ a gola nǝfilii win swarɨ, Yesu Kiristi, a sʊ nǝbɔ gǝm a lada nyɨɨ!

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Luka 3:6

Nǝfitʌmɔ gwam kuwo kuwo bʊʊtǝm Kwaamaɨ.’ ”

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Galatiya 2:21

Mǝ kɔ bɔ lǝma Kwaamaɨ. Na na gola bwangtǝm diil nǝbɔ yǝlam nǝb dǝngdǝng lɛ a kǝga Kwaamaɨ, na Kiristi a bʊla nǝn kwan.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

Maajɨ Bɛtɔ Twamagɨɨ 13:47

Tɛlalɔ a kwɛl a sʊwa nǝn sʊwaɨ gɔ, “ ‘Mǝ ya ń sǝ ń yǝlam nyalǝm a daagɔ Bʌtʌbɔ woi, sǝ ń bɛ nǝn bʊʊtǝm a yooligɔ gǝm gwam.’ ”

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Yohana 1:9

Nyalǝm bɨlǝngǝnɔ nɨ won nɛ a nǝbɔ gǝm gwamɨ, bɛ lɛ a yooligɔ gǝm.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

2 Timoti 1:10

Lǝma nɨ, Kwaama a nʊng bǝn kǝngkɔ a gola bɛtǝm Nǝbʊʊlɨ bǝnɔ Kiristi Yesui, a kalǝm bwaagɨɨ, a nʊng kʊlɨ nɨ mɨ dɨtǝm woi a gola kiyotǝm fulon kɛl lǝmɨ nɨɨ.