Titus 2:10 - Dadiya NT

¹⁰ ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

Titus 2:10 Referans Kwoze

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

Titus 1:3

A jǝg kɛl gǝnɔ a talɨ, a kwama nɨ ga yaɨ, a gola kiyotǝm fulon kɛl lǝmɨ nɨ Kwaama Nǝbʊʊlɨ bǝnɔ a nɨ ɨɨ, a sʊwa ɨ gɔ n kiyoi.

1 Timoti 6:3

Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

1 Timoti 6:1

Gwam jwaalɛb nɨ nǝb bwangtǝmɨ, bɛ ja do tɛlalɔtɨn jinɔ a la nyɔ ja nǝ ji dʊʊn, kage ja kal dun Kwaamaɨ jǝbɔ mɛlalɨ bǝnɔ.

1 Korinti 4:2

Jʊ jǝ swɨ lɛ nǝn nǝb nɨ ja jǝla nǝn jii, bɛ ja yǝlam nǝb tatǝm swatǝm yaa.

Luka 16:10

“Nʊ nɨ ja jǝla nǝn gɔ a jʊ nɨ dǝmɨ, jǝ jǝla jǝla nǝn gɔ a jʊ nɨ a ladaɨ. Nʊ nɨ a nʊng bɔ bɨlǝngkɛl a jʊ nɨ dǝmɨ, mɨsɔ nʊng bɨlǝngkɛl lɛ a jʊ nɨ a ladaɨ.

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Timoti 1:1

Nǝmǝ mǝ Bulus bwɛ twama Kiristi Yesui a diil Kwaama Nǝbʊʊlɨ bǝnɨ jǝbɔ a Kiristi Yesui, nʊ bǝ ya nǝl a daa gǝ woi.

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Yohana 12:6

Yahuza a sʊwa kɛl nɨɨ, ke bɔ bʊʊlalɨ nǝb bʊnǝnɔ a maaɨ, jʊ a bwɨɨ n nǝkuu. Nǝn gɔ ta bǝla kemʌn jinɔ lɛɨ. Gǝ kuu kuu kemʌnɔ a mʊgɔ gǝn a tɨka dul gǝnɔ nǝn.

Luka 1:47

Dʊʊmɨ mǝndɨ gǝ na a bǝlátǝm Kwaamaɨ, Nǝbʊʊlɨ mɨɨ,

Luka 1:80

Nǝngɔ bwɛ dwalɨ nɨ a dʊʊl a mʊgɔ kʊlɨɨ. A yɨ a mʊgɔ kuul, a bɛ nǝn a kumɔ a nʊng dul gǝnɔ a daa nǝbɔ Israilaɨ woi.

Titus 3:4

Kwama nɨ Kwaama Nǝbʊʊlɨ bǝnɔ a nʊng lǝma gǝnɔ jǝbɔ swɨtǝm gǝnɔ a daa nǝfili woi,