Titus 1:15 - Dadiya NT

¹⁵ Nǝb nǝl sagsagɔ, kanjǝlɔ gwam sagsag a daa ji woi. Nǝb nɨ mɨ nǝn nǝl sagsagɨ, ja nǝ bɔ bɨlǝngkɛlɨ, mɨ kaa jǝl wo sagsag a daa ji woi. Nǝl jinɔ jǝbɔ bʊʊlalɨ jinɔ gwam mɨ sagsag.

Titus 1:15 Referans Kwoze

Roma 14:14

Mɨ nyǝmatǝm wo a kʊm mɨ nǝbɔ Tɛlalɔ Yesu gɔ, mɨ jʊ nɨ wo mɨ sagsag a tǝltǝm gǝnɔ gǝmɨ. Nʊ nɨ a do gǝn gɔ mɨ sagsag a daa gǝ woi, mɨ sagsag.

Roma 14:20

Bɛ ka ń kʌb lɛ maajɨ Kwaamaɨ a kɛl dul jǝjalǝn. Bɨlǝngǝn, jǝjalǝnɔ gwam sagsag, a kaa gola n bwɨlang jǝl na jǝjalǝn nɨ nǝfili ja lɛɨ yǝlam yǝlam jǝ fǝtǝm naa a daa kaa nǝl woi.

1 Korinti 10:23

“Kanjǝlɔ gwam n jǝ jǝlatǝm.” Ke bɔ kanjǝlɔ gwam n jǝ nyaɨ. “Kanjǝlɔ gwam n jǝ jǝlatǝm.” Ke bɔ kanjǝlɔ gwam bɛ lɛ nǝn mɔtǝmɨ.

Matta 15:18

Kanjǝl nɨ jel lɛ a mʊgɔ nyiyoi, gǝ jel a mʊgɔ nǝl, n kanjǝlɔ gǝ dǝg nǝl lɛ a dutoi.

Roma 14:23

Nʊ nɨ a kɨɨ nǝl, a jaɨ, a gʊ dul gǝnɔ gǝm mwɛl dangǝn, jʊ a bwɨɨ a ja bɔ a gola nǝtǝm bɨlǝngkɛl. Pʌd jʊ nɨ ja maa bɔ a gola nǝtǝm bɨlǝngkɛlɨ, n bwɨlangkɛl.

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

Maajɨ Bɛtɔ Twamagɨɨ 10:15

Nǝngɔ a nyʊwa diil na yogɔ sʊwa lɛ gɔ, “Jʊ nɨ Kwaama a fɛka sagsagɨɨ, ka ń jo gǝn nɛ mɔʊ mɨ sagsag.”

1 Korinti 8:7

Ke bɔ nǝbɔ pʌd a nyǝm jʊ nɨɨ. Kaamɨ a gola mɛkatǝm jinɔ jǝbɔ shomi, na jǝ ja jǝjalǝn nɨ lɛɨ jǝ bʊʊla lɛ gɔ ja tǝlam shomɔ gǝm twama. Na nǝl jinɔ a nʊng ji gɔ kɛna n bwɨlangkɛl jǝ maaɨ, ji nǝn gunidul a kǝga Kwaamaɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

1 Korinti 10:25

Jǝ́ ja nam nɨ gwam jǝ miyo lɛ a gamdʌboi, ka jǝ́ bʌ lɛ kɛl a dul gǝn, kage a yǝlam jem komʌn a mʊgɔ nǝl.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.