Titus 1:12 - Dadiya NT

¹² Kaa nǝl a kʊm nǝbkuwotǝmkǝga a Karita a sʊwa gɔ, “Nǝbɔ Karitaɨ kwangkwang n nǝb gabakɛl, bwɨlang yʊwaltɨn, nǝb sʊla, nǝb jam.”

Titus 1:12 Referans Kwoze

1 Timoti 4:2

Nǝb nɨ mɛla kanjǝl nɨ lɛɨ jǝ maa lɛ na mɛlalɨ bɨlǝngkɛl jǝ mɛla lɛɨ, n fento, wʊnɨ nǝl jinɔ a bʊlam bʊlamɨ mǝ ja twɨ nǝn kemʌn shilo.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

Maajɨ Bɛtɔ Twamagɨɨ 17:28

Kanga bɛtɔ nafɨ jenɔ a sʊwaɨ gɔ, ‘N daa gǝ woi bǝ yǝmɨ, bǝ mǝga lɛɨ, bǝ woi. Bɨlǝngǝn bǝn bǝ dʊʊm gǝn.’

2 Bitrus 2:15

Ja bǝla gola nɨ sɨnɨ, ja tangǝm. Ja bwangtǝn Balamu bʊla Beyori, wʊnɨ swɨ sʊtǝm lɛ a gola nɨ mɨ dǝngdǝngɨ.

2 Bitrus 2:12

Nǝb nɨ ja maa na yʊwal, mɨ ji nǝn bʊʊlalɨ. Jǝ bwangtǝn jʊ bʊtɔ jinɔ a sʊwa jii. Ja bʌ ji, sǝ ja ta ji ja jʌ. Jǝ sʊwa kanjǝl bwɨlan nɛ a dul jʊ nɨ ja nyǝm bɨɨ. Jǝ bʊla na yʊwal kuul.

Maajɨ Bɛtɔ Twamagɨɨ 2:11

jǝbɔ nǝbɔ Karitaɨ, jǝbɔ Larabawagɔ, bǝ nyʊwa ji lɛ jǝ sʊwa kɛlɔ lɛ nǝn nyiyotɨn bǝnɔ nǝn gʌleng kanjǝl nɨ Kwaama a maaɨ!”

Maajɨ Bɛtɔ Twamagɨɨ 27:7

Nǝn maa kum jǝbɔ kumtɨn nǝn yɔ lɛ nǝn lǝma nyɔ. Nǝn dɔta nǝn yɔ nǝn dɔɔm jǝbɔ Kinidasɨ. Yʊwagɔ a kaa nǝn jatǝm kǝgaɨ, nǝngɔ nǝn kɛla a gwanga nɨ mɨ yʊwa woi, a gul Karita a tǝm nɨ a tɨbǝl wɨmaɨ, wʊnɨ a kɔtʌgo a Salmonii.

Maajɨ Bɛtɔ Twamagɨɨ 27:12

Ja kuwo daa tɨm tɨyamwɛngɔ a Likiya a bʊm bɔ tɨyamwɛngɔ a ja shenagɔ woi, nǝngɔ kɔrɔ jinɔ a jǝla gɔ jǝ sʊtǝn yɔmɔ, kɛna jǝ la Finikiya lɛɨ, sǝ jǝ maa shenagɔ wo. Finikiyagɔ na kaa daa tɨm tɨyamwɛng a Karita, tǝm nɨ a tɨbǝl wɨmaɨ, wʊnɨ dʌng gǝlalǝng diyengɔ lɛɨ jǝbɔ gwilʌng diyengi.

Maajɨ Bɛtɔ Twamagɨɨ 27:13

Yʊwagɔ a tǝl fʌl bɛ lɛ a gǝlalǝng dǝm dǝmɨ, nǝngɔ nǝbɔ dʌng lɛ gɔ laa gaalan jinɔ a nya ywatǝm. Nǝngɔ ja gʊ ankagɔ (kemʌn nɨ a tuu tuui), ja bwangtǝn a keli Karitaɨ, tǝm nɨ a tɨbǝl wɨmaɨ.

Filibii 3:19

Dɨltǝm jinɔ n bwaa, kwaama jinɔ n fʌl. Jǝ maa sʊtɔ jinɔ nǝn jǝ gunidul. Ja ya nǝl jinɔ a kanjǝl yooli nɨ.

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.