Titus 1:1 - Dadiya NT

¹ Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Titus 1:1 Referans Kwoze

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

1 Timoti 6:3

Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

2 Timoti 2:23

Bɛ ń kɔ gʊbkatǝm kɛlɔ nǝn kwanɨ. Gǝ bɛ bɛ nǝn bwaalɨ.

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

2 Korinti 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, nǝbɔ kɨla bǝn Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii, jǝbɔ nǝb sagsag nɨ pʌd a tǝm Akayaɨ.

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Yakubu 1:1

Nǝmǝ mǝ Yakubu, bwɛ jwaalɛ Kwaamaɨ jǝbɔ a Tɛlalɔ Yesu Kiristii. Mǝ mʊla langǝn bwangǝn nɨ mǝ tʊng a daagɔ dʊʊm nɨ a bel kʊb jeli yo a kwɨya tǝmɔ nǝn kwan a mʊgɔ yooli nɨɨ. Mǝ yal jen nɛ.

Dʊgam Nyangnyang 1:1

Langǝn bwangǝn nɨ gǝ sʊwa jʊ Kwaama a nǝ Yesu Kiristii, sǝ a sʊwa bɛtɔ jwaalɛn gǝnɔ jʊ nɨ bwɨ bwɨ mɨsɔ kʊta lɛ. Nǝngɔ Kiristi a twam bwɛ twama Kwaamaɨ sǝ a sʊwa bwɛ jwaalɛ gǝnɔ Yohana kɛl nɨɨ.