Roma 9:5 - Dadiya NT

⁵ Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

Roma 9:5 Referans Kwoze

Roma 1:25

Ja fʌto bɨlǝngkɛl Kwaamaɨ nǝn gabakɛl. Ja bǝlá jʊ nɨ Kwaama a fwalɨ, jǝ maa gǝm maajɨ lɛ. Ja kɔ Nǝ fwaltǝmɔ, nʊ nɨ bǝlátǝmɔ na a gɔ mɨ dɨtǝm woi. A daa nyɔ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Yohana 10:30

Mǝ nǝbɔ Tɛtɛ mɨ nǝn win.”

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Roma 11:28

A kɛl fulon kɛl lǝmɨ nɨɨ, jǝ nǝb kiim Kwaamaɨ a kɛl dul jen. A kɛl jǝgtǝm Kwaamaɨ, jǝ nǝb swɨtǝm gǝn a kɛl dul tʊgam tʊgalam jini.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

2 Timoti 2:8

Bɛ ń bʊʊla nǝn Yesu Kiristi, nʊ nɨ ja gung a bwaaɨ, a guu Daudaɨ, kanga fulon kɛl lǝmɨ nɨ mǝ sʊwa lɛɨ a mɛlaɨ,

1 Timoti 6:15

Wʊnɨ Kwaama bɛ lɛ nǝn a kwama gǝnɨ, Kwaama nǝ bwili, nǝ Fɔlɔn kwaagɔ, Fɔlɔ fɔlɔlɔmɨ, Tɛlalɔ tɛlalɔtɨnɨ.

1 Korinti 14:16

Na mʊ bǝlá Kwaama nǝn dʊʊmɨ mʊnɔ kwaagɨɨ, maa nyǝn nʊ nɨ a nyǝm bɨɨ sʊwa lɛ gɔ, “A daa nyɔ,” a dul buutǝm kang nɨ mʊ maa lɛɨ, na a nyǝm bɔ jʊ nɨ mʊ sʊwa lɛɨ?

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Dʊgam Nyangnyang 5:14

Nǝngɔ kanjǝl nɨ naal nǝn kʊlɨ jǝ sʊwa lɛ gɔ, “A daa nyɔ!” Nǝngɔ daltɔ dʊʊm nɨ a gǝla jʊng ja maa bǝlátǝmɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Ibranii 7:24

A gǝnɔ a yǝlam nʊ nɨ yɨ yɨm nɨ lɛ mɨ dɨtǝm woi. Dʊʊn gǝnɔ na nǝkǝlaɨ, mɨsɔ dɨ lɛ wo.

Luka 20:44

Dauda a jo gǝn gɔ, ‘Tɛlalɔ.’ A maa nyǝn la a yǝlam bʊla gɔ tagɨ?”