Roma 9:4 - Dadiya NT

⁴ Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

Roma 9:4 Referans Kwoze

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Roma 9:6

Ke bɔ gɔ kɛl Kwaamaɨ a yal nǝn kwan a dul nǝbam gǝnɨ. Jʊ a bwɨɨ ke bɔ pʌd nǝb nɨ a jel a dʊʊm Israilaɨ, n nǝbɔ Israilaɨ dangǝnɨ.

Maajɨ Bɛtɔ Twamagɨɨ 2:39

Jʊ nɨ nǝn gɔ swatǝm yaa Kwaamaɨ a daa jen woi, jǝbɔ bɛtɔ lɔ jeni, jǝbɔ nǝb nɨ gwam a kʊta kʊtaɨ, nǝn gɔ a daa nǝb nɨ gwam Kwaama Tɛlalɔ bǝn a jo ji a daa gǝ woi.”

Ibranii 9:1

Swatǝm yaa tɨkǝgagɔ nǝn diiltɨn gǝnɔ na maatǝm bǝlátǝm jǝbɔ lɔ maatǝm gǝnɔ, wʊnɨ nǝbɔ a fɛka a yoolii.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

Ibranii 9:3

A gul dwang na yogɔ, kaa lɔ tǝlatǝm twama wo wʊnɨ jǝ jo lɛ gɔ Daagɔ a Laa Sagsagɨ.

Yohana 1:47

Nǝn kwama Yesu a kuwom Nataniyel bɛ lɛ a daa gǝ woi, nǝngɔ a sʊwa gɔ, “Bwɛ nɨ n bwɛ Israila dangǝn, wʊnɨ mɨ nǝn gabakɛlɨ.”

Matta 21:33

“Kaa mʊsǝn kɛlɔ wɔ tag. Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

2 Korinti 11:22

Na jǝ nǝbɔ Ibranei, mǝ tǝmɨ mǝ na nyɔ. Na jǝ nǝbɔ Israilaɨ, mǝ tǝmɨ mǝ na nyɔ. Na jǝ guu Ibrahimi, mǝ tǝmɨ mǝ na nyɔ.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Ibranii 9:5

A dʌbʌl kwaati swatǝm yaa nɨ, kaam kanjǝl wo nǝn jelkalǝng kanjǝl nɨ nǝn kʊlɨ a dʌbʌl na nʊngtǝm dʊʊlǝn Kwaamaɨ, wʊnɨ lemʌn bɨlǝn jinɔ a sɔm sumʌn kwaati nɨɨ. Mɨsɔ bǝ dwal lɛ bǝ kiyo kanjǝl nɨ a talɨ kanga bǝ swɨ lɛ kǝngkǝnɨ.

Ibranii 9:6

Na nǝn kwama ja dɨ fɛkatǝm kanjǝlɔ na nɨɨ, sǝla nǝbkǝlamɔ ya dɔ kan na winɔ lɛ kwangkwang, ya ja maa maajɨ jinɔ lɛ na bǝlátǝm.