Roma 8:8 - Dadiya NT

⁸ Nǝb nɨ yɨ yɨm bwangtǝm bʊtɔ lɛɨ, mɨsɔ jǝ fulo Kwaama gǝm nǝl lɛ.

Roma 8:8 Referans Kwoze

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.

Yohana 8:29

Nʊ nɨ a twam ɨɨ, gǝ na jǝbɔ mǝ. A bǝla ɨ bɔ kwaamɨ, jʊ a bwɨɨ mǝ maa jʊ nɨ gǝ swɨ lɛɨ kwangkwang.”

1 Korinti 7:32

Mǝ swɨ lɛ jǝ́ nya jǝgtǝm dul a komtǝm nɨ gǝm. Nʊ nɨ a naa bɔ nɔɔlɨɨ, gǝ sʊtǝn sʊ dʌngtǝm kanjǝl Tɛlalɔɨ, kanga fulo Tɛlalɔ gǝm nǝl lɛɨ.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

Kolosii 3:20

Jǝ́ bɛtɔ dwalǝnɔ, bɛ jǝ́ nyʊwa tɛtǝlam jenɔ a golantɨnɔ gǝm gwam. N jʊ fulo Tɛlalɔ gǝm nǝl lɛɨ.

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Roma 1:21

Ja nyǝm Kwaama sul, mɨ jǝ dʊʊl gǝn nɛ gɔ n Kwaama, mɨ ji buu gǝm kang lɛ. Bʊʊlalɨ jinɔ gǝ na nǝn kwan, nǝl jinɔ a yǝlam kumtojili, mɨ nyǝmtǝm wo.