Roma 8:36 - Dadiya NT

³⁶ Kanga a mʊla mʊlaɨ gɔ, “N kɛl dul mʊn bǝn a nyiyo bwaa kwangkwangɨ, ja do bǝn na kwamɨ biyotǝm.”

Roma 8:36 Referans Kwoze

1 Korinti 15:30

Na gǝ na nyɨɨ, n wɛ a bwɨ nǝn dǝg dul nǝnɔ lɛ a bwaa kwangkwangɨ?

1 Korinti 4:9

A kuwotǝm mǝndɨ, Kwaama a nʊng a talɨ, nǝn bɛtɔ twamagɔ na nǝn nǝn ga gul a kanjǝlɔ gǝm gwamɨ, maa na nǝb nɨ ja biyo jim borang bwaa a tɨbǝl nǝbɨɨ. Nǝn yǝlam jǝ dʌngi nu a yooli nɨ, a daagɔ bɛtɔ twama Kwaamaɨ woi jǝbɔ nǝfitʌmɔ.

Maajɨ Bɛtɔ Twamagɨɨ 8:32

Jʊ nɨ nǝn gǝ mʊlalɨ kɛl Kwaamaɨ nʊ nɨ ja sʊ sʊɨ kiyo lɛɨ gɔ, “Na kwamɨ ja yɔ nǝn gɔ a daa biyotǝmɨ, na bɛ gal yɨm shig a daa nǝ bʊtɨtǝm yitʌn gǝnɔ woi, a na nyɔ, a wum bɔ nyiyo gǝnɔ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

1 Korinti 15:31

Mǝ sʊwa jen nɛ kambɔ, n kɛl lɨyal nɨ mǝ maa lɛ nǝn jen a mʊgɔ Kiristi Yesui, Tɛlalɔ bǝn, kwangkwang mǝ miyo kʊlɨ mɨ lɛ a bwaaɨ.

2 Korinti 1:9

Bɨlǝngǝn nǝn kuwo lɛ maamɔ ja mwatɨ nǝm borang bwaa. Jʊ nɨ a bwɨ kage nǝn ya nǝl a kwaan dul nǝn, na ke bɔ a daagɔ Kwaama woi, wʊnɨ gung nǝb nɨ lɛ a bwaaɨ.

2 Korinti 6:9

Maamɔ ja nyǝm nǝn bɔ, ja nyǝm nǝn nyǝmɨ nyangǝn. Maamɔ nǝn na a nyiyo bwaa, n wɔ nǝn nǝn kʊlɨ. Jǝ mwɛ nǝn nɛ, ja jʌbo nǝn bɔ.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,