Roma 8:25 - Dadiya NT

²⁵ Na bǝ ya nǝl lɛ a jʊ nɨ bǝ nya bɨɨ, bǝ yam nǝn kʊtǝm nǝl.

Roma 8:25 Referans Kwoze

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

Kolosii 1:11

Bɛ Kwaama a kwam jem nǝl nǝn kwaan dʊʊn gǝnɔ, sǝ jǝ́ bwa nǝl, jǝ́ kʊ nǝl nǝn fulotǝm nǝl.

Luka 21:19

Na jǝ́ kʊ nǝlɨ, jǝ́ bʊʊ bʊʊ.

2 Tasalonikaɨ 3:5

Bɛ Tɛlalɔ a yɔ nǝn nǝl jenɔ a swɨtǝm Kwaamaɨ, jǝbɔ kʊtǝm nǝl nɨ jel lɛ a daagɔ Kiristi woi.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Ibranii 6:12

Bɛ ka jǝ́ maa lɛ sʊnǝn. Bɛ jǝ́ banga nǝb nɨ ja yo yiitǝm swatǝm yaa nɨ a gola nǝtǝm bɨlǝngkɛl jinɔ gǝmɨ, jǝbɔ kʊtǝm nǝl jini.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Luka 8:15

Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Dʊgam Nyangnyang 14:12

Nǝb bwangtǝm Kwaamaɨ bɛ ja yǝlam nǝb bwatǝm nǝl a gaalan, bɛ ja kɨla diiltɨn gǝnɔ jǝbɔ tatǝm swatǝm yaa a daa Yesu woi.

Dʊgam Nyangnyang 13:10

Nʊ nɨ ja nʊng yǝlam bwɛ jwaalɛ lɛɨ, n daa jwaalɛn jǝ yɔ lɛ nǝn gɔ woi. Nʊ nɨ ja nʊng jǝ jʌ gǝn nǝn gulʌni, n gulʌn jǝ jʌ gǝn nɛ nǝnɨ. Jʊ nɨ gǝ nʊng gɔ nǝb sagsagɔ, bɛ ja kʊ nǝl gaalanɔ, bɛ ja ja kǝga nǝn tatǝm swatǝm yaagɔ.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.