Roma 8:24 - Dadiya NT

²⁴ A nǝ bǝn yatǝm nǝl nɨ kwama bǝ nya bʊʊtǝmɨ. Na bǝ ya nǝl a jʊ nɨ bǝ kuwoi, n ke bɔ yatǝm nǝl. Nuwo ya nǝl lɛ a jʊ nɨ a kwɛl a nyaɨ?

Roma 8:24 Referans Kwoze

Ibranii 11:1

Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

2 Korinti 5:7

Nǝn yɨ yɨm a gola nǝtǝm bɨlǝngkɛl, ke bɔ na kuwotǝm nu.

2 Korinti 4:18

N ke bɔ kanjǝl nɨ nugɔ kuwo lɛ nǝn dʌng lɛɨ. Nǝn dʌng kanjǝl nɨ mɨ nugɔ kuwo lɛɨ. Kanjǝl nɨ nugɔ kuwo lɛɨ, n kanjǝl nɨ mɨsɔ tɨm shutǝm lɛɨ. Kanjǝl nɨ mɨ nugɔ kuwo lɛɨ, n kanjǝlɔ mɨ dɨtǝm woi.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Tasalonikaɨ 5:8

A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

Roma 4:18

A ya bɔ nǝl a dul gǝn nǝn kang gǝn. A ya nǝl a daa Kwaama woi. A nǝ bɨlǝngkɛl gɔ gǝ yǝlam yǝlam “Tɛtɛ bǝlǝntǝmɨ a lada.” Kanga Kwaama a sʊwa gǝn gɔ, “Bɨlǝngǝn dʊʊm mʊnɔ yǝlam yǝlam a lada.”

Roma 8:20

Kwaama a lag kanjǝl nɨ ga fwalɨ a yǝlam jǝl nǝn kwan. Jʊ nɨ a bwɨ nyɔ ke bɔ kanga yooligɔ swɨ lɛɨ, n jʊ Kwaama swɨ lɛɨ. A maa nyɔ sǝ kanjǝl nɨ ga fwalɨ ja ya nǝl

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.