Roma 8:22 - Dadiya NT

²² Bǝ kwɛl bǝ nyǝm nyǝmɨ kanjǝl fwaltǝmɔ gwam tǝna lɛ ba la nǝn kǝngkɨɨ, kanga nɔɔlɨ gǝ tǝnam lɛ a kwama butom lɛɨ.

Roma 8:22 Referans Kwoze

Yohana 16:21

“Na nɔɔlɨ ya buto lɛɨ, gǝ nyʊwa nyʊwa bʊwatǝm dangǝn, jʊ a bwɨɨ kwama butotǝm gǝnɔ a la. Na nǝn kwama a bʌm bwɛ feligɨɨ, gǝ twabǝm twabǝm nǝn bɔɔla nɨ ga nyʊwaɨ, jʊ a bwɨɨ gǝ na a mʊgɔ fulotǝm nǝl a bwɛ feli nɨ gǝ bʌ a yoolii.

Roma 8:20

Kwaama a lag kanjǝl nɨ ga fwalɨ a yǝlam jǝl nǝn kwan. Jʊ nɨ a bwɨ nyɔ ke bɔ kanga yooligɔ swɨ lɛɨ, n jʊ Kwaama swɨ lɛɨ. A maa nyɔ sǝ kanjǝl nɨ ga fwalɨ ja ya nǝl

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Dʊgam Nyangnyang 12:2

Nǝngǝn nǝn fʌl. Kum butotǝm gǝnɔ a laɨ, nǝngɔ a ga kwaalɨ butotǝmɨ.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.