Roma 8:15 - Dadiya NT

¹⁵ Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Roma 8:15 Referans Kwoze

2 Timoti 1:7

Kwaama a nǝ bǝn bɔ nǝl taal. A nǝ bǝn nǝl kwaan, jǝbɔ nǝl swɨkan jǝbɔ nǝl tatǝm dul.

1 Korinti 2:12

A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ.

Roma 8:16

Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.

Ibranii 2:15

A jǝg nǝb nɨ gwam a bʌtʌm jinɔ gǝm jǝ na a yɨm jwaalɛn a kɛl taal bwaaɨ.

Afisa 1:5

a jǝla a do bǝn sǝ bǝ yǝlam bɛtɔ lɔ gɨɨ a gola Yesu Kiristii. N jʊ swɨ lɛɨ, a nǝ gǝn fulotǝm nǝl.

1 Yohana 4:18

Mɨ taal wo a swɨkan. Swɨkan nyanɔ, gǝ kaa kaa taalɔ. Mwɛlɔ nǝn gɔ gǝ dǝg nǝl lɛ a taalɨ. Nʊ nɨ nyʊwa taal lɛɨ, mɨ nǝn swɨkan nyan.

Markus 14:36

Sʊwa lɛ gɔ, “Tɛtɛ, Tɛtɛ, kanjǝlɔ gwam yǝlam nyɔ a daa mʊ woi. Dem mɨ gaalan nɨ. Maa jʊ mʊ swɨ lɛ ń maaɨ, ke bɔ jʊ mǝ swɨ lɛɨ, maa jʊ mʊ swɨ lɛɨ.”

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Luka 11:2

Nǝngɔ Yesu a sʊwa ji gɔ, “Na jǝ́ kel keli lɛɨ, jǝ́ sʊwa jengɔ, “ ‘Tɨya bǝn, bɛ dun mʊnɔ a nya dʊʊltǝm. Bɛ fɔlɔn mʊnɔ a bɛ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Luka 22:42

a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”

Yohana 16:8

“Nǝn kwama nɨ bɛm lɛɨ, nʊng nʊng nǝbɔ yoolii nɨɨ gɔ, bʊʊlalɨ jinɔ mɨ dǝngdǝng a bwɨlangkɛl jinɔ gǝm, jǝbɔ jʊ nɨ dǝngdǝngɨ, jǝbɔ borang jinɔ.

Maajɨ Bɛtɔ Twamagɨɨ 16:29

Nǝngɔ nǝ dʌngtǝm lɔsomigɔ a sʊwa gɔ ja bɛ nǝn kǝlagɔ. A gun dǝbǝr, a dɔ a mʊgɔ, a yɔ a kǝga Bulusi jǝbɔ Silaɨ, bʊtɔgɔ sʊwa mam lɛ nǝn taal.

Maajɨ Bɛtɔ Twamagɨɨ 2:37

Nǝn kwama ja nyʊwam kɛl nɨɨ, a bʊwa ji. Nǝngɔ ja bʌ Bitrus jǝbɔ tangǝn bɛtɔ twamagɨɨ, gɔ, “Kɛtǝlam bǝn, n wɛ bǝ maa lɛɨ?”

Luka 8:37

Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.

Luka 8:28

Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”

Yakubu 2:19

Ń nǝ bɨlǝngkɛl Kwaama win ka? N dǝngdǝng. Nǝblaamɔ tʌji a nǝ bɨlǝngkɛl nyɔ. Bʊtɔ jinɔ ka lɛ kʌbkʌb nǝn taal.

Roma 8:26

Gǝ na nyɔ, Yʊwagɔ maa bǝm tɨkalɨ lɛ a mʊgɔ gɨyatǝm bǝnɔ gǝm. Bǝ nyǝm bɔ kanga bǝ maam keli lɛ dǝngdǝngɨ, Yʊwagɔ nǝn dul gǝn kela Kwaama lɛ a dul bǝn, a tǝnatǝm kɛltɨn nɨ mɨsɔ dwal lɛ a nʊngɨ.

Roma 9:4

Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

2 Korinti 11:4

Na kaa nǝl a bɛ ba kiyo jem kɛl lɛ a dul kaa Yesu wʊnɨ ke bɔ nʊ nǝn kiyo jemi, na jǝ́ nya kaa yʊwa tag wʊnɨ ke bɔ Yʊwagɔ jǝ́ nyaɨ, na jǝ́ yo kaa fulon kɛl lǝmɨ ke bɔ a wʊnɨ nǝ sʊwa jeni, jǝ́ jǝla nǝn nǝb gǝmɔ dǝbǝr dǝbǝr!

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Matta 25:25

N jʊ a bwɨ mǝ nyʊwa taal, nǝngɔ mǝ shu ya mǝ wʊ tǝmɔ mǝ yʊ kemʌn mʊnɔ woi. Yo jǝ mʊnɔ wɔ.’