Roma 8:10 - Dadiya NT

¹⁰ Na Kiristi a nǝl jeni, bʊtɔgɔ a bʊlam bʊlamɨ a dul maatǝm bwɨlangkɛl sul, Yʊwa Kwaamaɨ nǝ jen kʊlɨ, jʊ a bwɨɨ Kwaama a dǝg jen jǝ́ yǝlam dǝngdǝng.

Roma 8:10 Referans Kwoze

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Filibii 1:23

Gwam jinɔ yo jǝ gʊ nǝl mǝndɨ lɛ dangǝn. Swɨtǝm mǝndɨ n bʊla sǝ n yɔ ya n yɨ nǝbɔ Kiristi. Nǝn gɔ jʊ a laa jǝlɨ.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

1 Korinti 15:45

A mʊla mʊlaɨ nyɔ gɔ, “Nǝ tɨkǝgagɔ nǝn Adamu a yǝlam nǝn kʊlɨɨ.” Adamu gulɔ n yʊwa nɨ nǝ kʊlɨ lɛɨ.

Dʊgam Nyangnyang 14:13

Nǝngɔ mǝ nyʊwa kaa diil a dʌbʌl kwama sʊwa lɛ gɔ, “Mʊla jʊ nɨ. Bwiligɔ na a nǝb nɨ bʊla lɛ a mʊgɔ maajɨ Tɛlalɔɨ, jʊ a ta a kǝngkɔ a yɔ nǝn a kǝgaɨ.” Yʊwa Kwaamaɨ a sʊwa gɔ, “Ɔɔ jǝ nǝb bwili, jʊ a bwɨɨ jǝ fǝb fǝb a gaalan jinɔ gǝm, jǝ nǝ ji nǝ lǝma a gaalan maajɨ jinɔ gǝm.”

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Ibranii 12:23

Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

Ibranii 9:27

Ja ya nǝfili gǝm bwaagɔ naa win swar. A gulɔ gǝmɨ n borang.

1 Tasalonikaɨ 4:16

Jʊ a bwɨɨ Tɛlalɔ nǝn dul gǝn gǝla gǝla a dʌbʌl kwama nǝn jotǝm jangajǝng nǝn kwaan, jǝbɔ diil dalɨ bwɛ twama Kwaamaɨ jǝbɔ guutǝm jum Kwaamaɨ. Nǝb nɨ a bʊla a mʊgɔ Kiristii, nǝji jǝ tǝl guntǝmɔ lɛɨ.

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

2 Korinti 4:11

Na nǝn nǝn kʊlɨɨ, nǝn na a nyiyo bwaa a kɛl dul Yesui, sǝ kʊlɨ Yesui a nʊng a bʊtɔ nǝnɔ nɨ na bwaaɨ.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 5:12

Kanga bwɨlangkɛlɔ a dɔ yooligɔ a gola nǝl wini, bwɨlangkɛl nɨ nǝn gɔ a bɛ nǝn bwaaɨ, n jʊ a bwɨ bwaagɔ a yǝlam kʊla nǝbɨɨ gwamɨ, jʊ a bwɨɨ pʌd bǝ maa bwɨlangkɛl.

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.