Roma 7:5 - Dadiya NT

⁵ Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 7:5 Referans Kwoze

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:21

N sʊtǝm wɛ jǝ́ nya kwama gɔ a dul kanjǝl nɨ jǝ́ nyʊwa gunidul jinɔ lɛ kǝngkɨɨ? Dɨltǝm kanjǝl nɨ n bwaa.

1 Yohana 3:4

Gwam nʊ nɨ maa bwɨlangkɛl lɛɨ gǝ kǝl diil. Maatǝm bwɨlangkɛlɔ n kǝltǝm diil.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Korinti 15:56

Bwɨlangkɛlɔ nǝn gɔ n twalǝm bwaagɨɨ. Diilɔ nǝn gɔ n kwaan bwɨlangkɛlɨ.

Yakubu 4:1

N wɛ bɛ lɛ nǝn kɨlan jǝbɔ gʊbkatǝm a kʊm jeni? Mɨ nyǝmatǝm wo, jʊ bɛ lɛ nǝn kanjǝl nɨɨ n wɛltɨn nɨ ta kun nɛ a kʊm jeni.

Yakubu 1:15

Bwɨlang wɛlɔ na a do fʌli, gǝ bʌm bwɨlangkɛl. Bwɨlangkɛlɔ na a dʊʊlɨ, gǝ bʌm bwaa.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Afisa 2:11

Bɛ jǝ́ bʊʊla, galɨgǝn jǝ́ Bʌtʌb a mʊgɔ bʌlʌng. Nǝb nɨ a biyo mwɛnɨ (wʊnɨ nǝfitʌmɔ gǝ maa lɛ nǝn kangɨ), jǝ jo jen gɔ, “nǝb nɨ a biyo bɔ mwɛnɨ.”

Roma 7:23

N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

Roma 4:15

Jʊ a bwɨɨ, diilɔ gǝ gʊ gʊ nabwɨl Kwaamaɨ. Daa nɨ mɨ diil woi, mɨ kǝltǝm diil wo.

Roma 3:20

Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.

Roma 1:26

N jʊ a bwɨ Kwaama a bǝla ji maatǝm jǝ gunidul nɨ a bʊm bɔ kuwotǝmɨ. Nɔɔtǝlam jinɔ a fʌto daam fiyodaalɨgɔ jǝbɔ batǝmɔ jǝ daa a kang bʊtɔ jin.

Yohana 3:6

Jʊ nɨ nǝfili a bʌi, n bʊtɔ bǝn. Jʊ nɨ Yʊwa Kwaamaɨ a bʌi, n yʊwa.

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

2 Korinti 10:3

Nǝ nyǝm nyɔ yɨm nǝnɔ n yɨm yooli sul, tatǝm kun nǝnɔ ke bɔ a yooli.