Roma 5:6 - Dadiya NT

⁶ A dǝngdǝng kwama nɨ, kwama lǝga bɔ bǝ kwamɨ, Kiristi a bʊla a kɛl dul nǝb nɨ a nyǝm bɔ Kwaamaɨ.

Roma 5:6 Referans Kwoze

Roma 5:8

Kwaama a nʊng bǝn swɨtǝmɔ gǝ maa bǝm lɛɨ, nǝn kwama bǝ nǝb bwɨlangkɛlɨ, Kiristi a bʊla a kɛl dul bǝn.

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Roma 4:5

Nʊ nɨ a ya bɔ nǝl gǝnɔ a maajɨ nyatǝmɨ, a ya nǝl gǝnɔ a daa Kwaama woi, Kwaama nɨ dǝg nǝb bwɨlangkɛlɔ lɛ a yǝlam nǝb dǝngdǝngɨ, a kiyo nǝtǝm bɨlǝngkɛl gǝnɔ n dǝngdǝng.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Yahuza 1:15

sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Roma 11:26

Kwama jʊ nɨ a bwɨɨ, nǝbɔ Israilaɨ gwam nya nya bʊʊtǝm, kanga a mʊla mʊlaɨ gɔ, “Nǝ bʊʊtǝmɔ bɛ bɛ a Sihiyona. Jǝgǝm jǝgǝm nǝb nɨ a kɔ bwangtǝm Kwaamaɨ a guu Yakubui.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”

Roma 5:7

Bwa bwa ja nya nʊ nɨ nǝ kʊlɨ gǝnɔ lɛ a kɛl dul nʊ nɨ n nǝ dǝngdǝngɨ, maa maa nyɔ ja nya kaa nʊ nɨ kʊ nǝl lɛ a nǝ kʊlɨ gǝnɔ a kɛl dul nǝ nyaɨ.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Ibranii 8:3

Daltɔ nǝbkǝlamɔ gwam ja ya ji sǝ ja twɨ yulʌn jǝbɔ tǝlatǝm twama. Gǝ tǝgǝn, bɛ a yǝlam nyɔ gǝ nǝn jʊ nɨ gǝ tǝlam twama lɛɨ.