Roma 3:9 - Dadiya NT

⁹ A maa nyǝn? Nǝn Yahudawagɔ nǝn laa Bʌtʌbɔ ka? Ɔ ɔ mɨ nyɔ! Jʊ a bwɨɨ galɨgǝn nǝ do Yahudawagɔ jǝbɔ Bʌtʌbɔ nǝngɔ pʌd jinɔ bwɨlangkɛlɔ maa fɔlɔn nɛ a dul jin.

Roma 3:9 Referans Kwoze

Galatiya 3:22

Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.

Roma 6:15

Bǝ maa nyǝn? Bɛ bǝ maa bwɨlangkɛlɔ jʊ a bwɨɨ diilɔ mɨ nǝn kwaan a dul bǝn, n lǝma Kwaamaɨ nǝn kwaan a dul bǝnɨ ka? Ɔ ɔ, mɨ wo dǝm!

Roma 11:32

Kwaama a kubʌl kubʌli nǝbɔ gwam a kɔtǝm bwangtǝm gǝn sǝ a ji bʊnǝn a dul jin gwam.

Roma 3:19

Bǝ kwɛl bǝ nyǝm nyǝmɨ jʊ nɨ gwam diilɔ a sʊwaɨ, gɔ a yɔ nǝn nǝb nɨ a mʊgɔ gǝnɨ, jʊ a bwɨɨ sǝ a tɨ nǝn tabatǝm fɨɨ nǝbɨɨ, sǝ yooli nɨ gwam a nyǝm jǝ na a mʊgɔ borang Kwaamaɨ.

Filibii 1:18

A kal wɛ? Jʊ bǝ dʌng lɛɨ nǝn gɔ na jǝ maam na kuwotǝm nui, na n bɨlǝngǝn n kɛl Kiristii jǝ kiyo lɛɨ, n maa fulotǝm nǝl nǝngǝn. Mǝ ja ja kǝga nǝn fulotǝm nǝl dangǝn,

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

1 Korinti 14:15

Mǝ maa nyǝn? Mǝ maa keli nǝn dʊʊmɨ mɨ, mǝ maa nǝn bʊʊlalɨ mɨ tag. Mǝ ma nafɨ Kwaamaɨ nǝn dʊʊmɨ mɨ, mǝ ma nǝn bʊʊlalɨ mɨ tag.

1 Korinti 10:19

N wɛ mǝ swɨ lɛ n sʊwaɨ? N jǝjalǝnɔ ja tǝlam shomɔ gǝm twamaɨ, nǝn gɔ n kaa jǝlɨ ka? N shomɔ n kaa jǝlɨ ka?

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

Roma 11:7

A maa nyǝn? Nǝbɔ Israilaɨ a gaa nyatǝm jʊ jǝ saa lɛɨ. Nǝb nɨ Kwaama a jǝgamɨ, ja yǝlam nǝb dǝngdǝng a daa Kwaama woi, kaamɨ a yǝlam nǝb kwamǝn dul.

Roma 3:5

Na maajɨ bwɨla bǝnɔ a nʊng gɔ Kwaama n nǝ dǝngdǝngɨ, n wɛ bǝ sʊwa lɛɨ? Bǝ sʊwa sʊwa bǝngɔ Kwaama a maa jǝ bwɨla a mwɛ bǝnɨ ka? (Mǝ sʊwa kɛl nǝfilii.)

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Luka 7:39

Bwɛ Farisa nɨ a kuwo jʊ nɨ nɔɔlɨ nɨ maa lɛɨ, nǝngɔ a sʊwa a nǝl gǝn gɔ, “Na na nʊ nɨ n nǝkuwotǝmkǝgaɨ, na nyǝm nyǝm gɔ nɔɔlɨ nɨ ke naa gǝnɔ lɛɨ, nǝn nuwo. N nǝ bwɨlangkɛl.”

Roma 2:1

A dul kɛl nɨɨ, mɨ mʊ nǝn tabatǝm fɨɨ mʊ nǝfili, mʊ nɨ mʊ maa nǝl gǝm borang lɛɨ. Kwama mʊ maa nǝl gǝm borang lɛɨ, mʊ tǝmʊn ń mwatɨ dul mʊnɔ gǝm borang, jʊ a bwɨɨ mʊ nɨ mʊ maa borang lɛɨ mʊ maa nyɔ tǝmʊn.

Roma 3:1

Yahudawagɔ nǝn kaa jǝl wʊnɨ ja laam Bʌtʌbɔ nǝnɨ ka? N wɛ biyotǝm mwɛnɔ gǝ sʊ lɛɨ?

Roma 7:14

Bǝ kwɛl bǝ nyǝm diilɔ na a yʊwa. Mɨ mǝ nǝn yʊwa. Ja miyo i na jwaalɛ a kang bwɨlangkɛlɨ.