Roma 2:8 - Dadiya NT

⁸ A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

Roma 2:8 Referans Kwoze

Dʊgam Nyangnyang 16:19

Gʌleng tuulɔ nɨ a bel lɔngɔ taal. Tuulɔtɨn Bʌtʌbi a kʌbo. Nǝngɔ Kwaama a bʊʊla nǝn gʌleng Babilagɔ sǝ a dǝg ji ja nɔɔ gaalan nɨ jǝ nyǝm nabwɨl gǝnɔ lɛɨ.

1 Bitrus 4:17

Kwamagɔ a la, jǝ tǝl maatǝm borangɔ a dul nǝb Kwaamaɨ. Na jǝ tǝl nǝn bǝnɨ, n wɛ bwɨ lɛ a dɨltǝmɔ gǝm a nǝb nɨ a kɔ bwangtǝm fulon kɛl lǝmɨ Kwaamaɨ?

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Dʊgam Nyangnyang 14:10

nyaka nyaka jǝbɔ gaalan Kwaamaɨ a nabwɨl gǝnɔ gǝm. Jǝ nǝ gǝn nǝ gaalan nǝn kǝla, wʊnɨ a fo, a shi, a kǝga bɛtɔ twama Kwaamaɨ sagsagɨɨ jǝbɔ Bɛ Galɔ.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

Ibranii 10:27

N gʌleng jǝ yaltǝm kuli a borang nɨ bɛ lɛɨ, jǝbɔ kǝla nɨ a shilo shiloi, wʊnɨ twɨ nǝb kiim Kwaamaɨ lɛɨ.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Titus 3:9

Bɛ ń tɨ a kʊta jǝbɔ katɨ nɨ mɨ nǝn duli, jǝbɔ gʊbkatǝm a kɛl kiyotǝm tʊgam, jǝbɔ kʊkkan, jǝbɔ kɨlan a kɛl dul diil. Gwam jʊtǝb nɨ mɨ ji nǝn kaa bwili wo, n maajɨ nǝn kwan.

1 Korinti 11:16

Na kaa nǝl saa gʊtǝm lɛɨ, a nǝnɔ nǝ nyǝm bɔ kaa jǝfʊlǝn. Mʊrkalɨ nǝb bwangtǝm Kwaamaɨ nyɔ tʌji.

Roma 15:18

Mɨsɔ mǝ lɛla lɛ n sʊwa kɛl na ke bɔ jʊ Kiristi a maa a gola mɨɨ. A dǝg Bʌtʌbɔ a jǝla a bwangtǝn Kwaama a kɛl mǝndɨ jǝbɔ maajɨ mɨɨ.

Roma 10:16

Ke bɔ nǝbɔ Israilaɨ gwam a jǝla nǝn fulon kɛl lǝmɨ nɨɨ, kanga Ishaya a sʊwa gɔ, “Tɛlalɔ, nuwo a nǝ bɨlǝngkɛl nǝn kɛl nǝnɨ?”

Roma 9:22

Kwaama swɨ lɛ a nʊng nabwɨl gǝnɔ jǝbɔ kwaan gǝnɔ, a dul nǝb nɨ a la jʌtǝmɨ. A na nyɔ a kʊ nǝl jǝbɔ ji.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

1 Bitrus 3:1

Jǝ́ nɔɔtǝm naatǝmɔ, a dul kɛl nɨɨ, jǝ́ nǝ batǝlam jenɔ shigtǝm dul, sǝ na kaam batǝlam jenɔ nɨ mɨ bwangtǝn kɛl Kwaamaɨ lɛɨ, nɔɔtǝlam jinɔ a sʊwa ji bɔ kɛl Kwaamaɨ sul, shigtǝm dul jinɔ gʊ ji gʊ.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Galatiya 5:20

jǝbɔ bwangtǝm shom, jǝbɔ wontǝm swan, jǝbɔ kii, jǝbɔ gʊbkan, jǝbɔ nungon, jǝbɔ nabwɨl, jǝbɔ swɨtǝm dul, jǝbɔ kʊkkan, jǝbɔ wʊlakatǝm,

Filibii 1:17

A nǝb wuleni, jǝ sʊwa kɛl Kiristii a gola swɨtǝm dul, ke bɔ nǝlɔ win, jǝ swɨ lɛ ja nɨ ɨ gaalan a mʊgɔ lɔsomi.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

Yakubu 3:14

A mʊgɔ nǝl jen, na jǝ́ maa nungon nɛ jǝbɔ swɨtǝm duli, ka jǝ́ maa lɛ lɨyal jengɔ jǝ́ nǝn yʊlan, ka jǝ́ bǝm lɛ bɨlǝngkɛlɔ.

Yakubu 3:16

Daa nɨ gwam nungonɔ wo jǝbɔ swɨtǝm duli, n daagɔ kʊkkatǝmɔ jǝbɔ kanjǝl shilɔ wo gwamɨ.