Roma 2:17 - Dadiya NT

¹⁷ Na ń sʊwa mɔʊ, mʊ bwɛ Yahudaɨ, na mʊ ya nǝl a diili, mʊ maa lɨyal lɛ nǝn Kwaamaɨ,

Roma 2:17 Referans Kwoze

Roma 2:23

Mʊ nɨ mʊ maa lɨyal lɛ nǝn diili, ke bɔ sogan mʊ maa Kwaama gǝm lɛɨ ka, na ń kǝl diilii?

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

Roma 9:32

N wɛ a bɛ nǝn nyɨɨ? Jʊ a bwɨɨ ja saa bɔ dǝngdǝng nɨ a gola nǝtǝm bɨlǝngkɛl, n saatǝm a gola makajǝng nyatǝm jin. Nǝngɔ ja fǝ naa nǝn tɛl nɨ gǝ dǝg fǝtǝm naa lɛɨ.

Yohana 5:45

“Ka jǝ́ bʊʊla lɛ jengɔ mǝ ka ka kɛl jenɔ a daagɔ Tɛtɛ woi. Nʊ nɨ ka kɛl jenɔ lɛɨ nǝn Musa, wʊnɨ jǝ́ ya nǝl a daa gǝ woi.

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.

Dʊgam Nyangnyang 3:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Sardisui gǝm nyɔ, “Kɛl nɨ nǝn gɔ n twamagɔ a daagɔ nʊ nɨ maa fɔlɔn lɛ nǝn yʊwatɨn Kwaamaɨ nʌbʌli, jǝbɔ nyanyamɨtɨn nɨ nʌbʌli. N nyǝm maajɨ mʊnɔ. Jǝ kuwo ń nɛ gɔ mʊ nǝn kʊlɨ, mɨ nyǝmatǝm wo mʊ na na bʌlʌn.

Afisa 2:11

Bɛ jǝ́ bʊʊla, galɨgǝn jǝ́ Bʌtʌb a mʊgɔ bʌlʌng. Nǝb nɨ a biyo mwɛnɨ (wʊnɨ nǝfitʌmɔ gǝ maa lɛ nǝn kangɨ), jǝ jo jen gɔ, “nǝb nɨ a biyo bɔ mwɛnɨ.”

Galatiya 2:15

Bǝ Yahudawa a bʌtʌm. Bǝ ke bɔ Bʌtʌb nǝb bwɨlangkɛl.

2 Korinti 11:22

Na jǝ nǝbɔ Ibranei, mǝ tǝmɨ mǝ na nyɔ. Na jǝ nǝbɔ Israilaɨ, mǝ tǝmɨ mǝ na nyɔ. Na jǝ guu Ibrahimi, mǝ tǝmɨ mǝ na nyɔ.

Yohana 8:41

Jǝ́ maa jʊ nɨ tɛtɛ jen a maaɨ.” Nǝngɔ Yahudawagɔ a sʊwa gɔ, “Nǝn nǝn ke bɔ nǝb yʊwam. Kwaama nǝn Tɨya nǝn. Nǝn gɔ kwaagɔ win nǝn Tɨya nǝnɨ.”

Yohana 8:33

Nǝngɔ ja jǝla gǝn gɔ, “Nǝn nǝn guu Ibrahimi. Nǝn yǝlam bɔ bwɛ jwaalɛ nǝlɨ wo. N wɛ bwɨ mʊ sʊwa mɔʊ nǝn nya nya jǝgtǝmɨ?”

Yohana 7:19

Ke bɔ Musa a nǝ jen diili ka? N wɛ a bwɨ mɨ nʊ nɨ wo bwangtǝn diilɔ lɛ a kʊm jeni? N wɛ bwɨ jǝ́ swɨ lɛ jǝ́ jʌ i?”

Luka 10:28

Yesu a jǝla gǝn gɔ, “Ń sʊwa dǝngdǝng. Ya maa lɛ nyɔ mʊ bʊʊ bʊʊ.”

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Roma 3:27

Maatǝm lɨyal bǝnɔ n fee? Mɨ wo! N gola diil won? N gola diil maatǝm maajɨ nyan ka? Ɔ ɔ! N gola diil nɨ bɛ lɛ nǝn nǝtǝm bɨlǝngkɛlɨ.