Biblia Todo Logo
Bib sou entènèt

- Piblisite -




Roma 2:10 - Dadiya NT

10 Kwaama nǝ nǝ dʊʊlǝn jǝbɔ gungtǝm, jǝbɔ yɨm kwamɨgǝn, a nǝb nɨ gwam a maa jǝ nyaɨ. Tǝl nǝn Yahudawagɔ, sǝla Bʌtʌbɔ.

Gade chapit la Kopi




Roma 2:10
45 Referans Kwoze  

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.


Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.


Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.


Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.


sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”


Ń kuwo kanga nǝtǝm bɨlǝngkɛl gǝnɔ yɔ lɛ dǝngdǝng jǝbɔ maajɨ nyantɨn gǝnɨ, maajɨ nyantɨn gǝnɔ a nʊng nǝtǝm bɨlǝngkɛl gǝnɔ n dǝngdǝng.


Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.


Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.


Nǝb nɨ gwam maa bwɨlan nɛɨ, jǝ nɔɔ nɔɔ gaalan jǝbɔ gʌtǝm. Tǝl nǝn Yahudawagɔ, sǝ a la Bʌtʌbɔ.


“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”


Dɨsɔ lǝma Kwaamaɨ wʊnɨ a laa nyǝmtǝm bǝnɔ gwamɨ, a tɔɔ nǝl jenɔ jǝbɔ bʊʊlalɨ jenɔ a mʊgɔ Kiristi Yesui.


Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,


Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.


Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.


N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.


Nʊ nɨ mɔba gobʌl boli lɛɨ, nǝn kwaan a maa jʊ swɨ lɛ nǝn nya boligɔ kanga a swɨɨ. Swɨtǝm gǝn a do nya boligɔ win a mɔ kaa nǝn a yǝlam na maajɨ nyantɨn, kaa tag a la bɔ na maajɨ nyantɨn.


Gǝ yo yo nǝbɔ a bǝlǝntǝmɔ gǝm gwam, nǝb nɨ nyʊwa taal gǝnɔ lɛɨ, jǝbɔ nʊ nɨ maa jʊ nɨ lɛ dǝngdǝngɨ, jǝbɔ maatǝm jʊ nɨ Kwaama swɨ lɛɨ.


Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.


Kumɔ ba laɨ, nǝngɔ Yesu a yɨ jatǝm jǝjalǝnɔ dakini jǝbɔ bɛtɔ twama gǝnɨ.


A sʊwa gɔ, “Na na jǝ́ nyǝm kǝngkǝnɨ n jʊtǝb nɨ bɛ lɛ nǝn yɨm kwamɨgǝnɨ, n wɔ a kwɛl a wuum jem kǝngkɔ.


Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.


Nǝngɔ a sʊwa ji gɔ, “Nʊ nɨ a yo bwɛ dwalɨ na wʊnɨ nǝn dun mɨɨ, nǝmǝ ga yo ii. Nʊ nɨ a yo ii, a yo nʊ nɨ a twam ɨɨ. Nʊ nɨ a dwal a kʊm jeni, nǝn gɔ n dʊʊɨ.”


Na lɔ gɔ n lɔ nyanɨ, bɛ jǝ́ maa keli sǝ Kwaama a nǝ ji lǝma. Na ke bɔ lɔ nyanɨ, bɛ bwili jenɔ a yǝla a dul jen.


Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.


N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.


Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.


A kǝlɨ kwama ń dǝg gǝn a gɨya bɛtɔ twama Kwaamaɨ gǝm. Ń ya gǝn a nya gungtǝm jǝbɔ dʊʊlǝn.


Swiv nou:

Piblisite


Piblisite