Roma 16:7 - Dadiya NT

⁷ Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 16:7 Referans Kwoze

Roma 16:21

Timoti fwalɨ maajɨ mǝndɨ, yal jen nɛ. A na nyɔ Lukiyas jǝbɔ Yason jǝbɔ Susibataras, kɛtǝlam mǝndɨ, jǝ yal jen nɛ.

Roma 16:11

Jǝ́ yal Hirudiyan, nʊ nɨ nǝn kɨla mɨɨ. Jǝ́ yal nǝb bwangtǝm nɨ a mʊgɔ Tɛlalɔɨ a lɔ Narkisasɨ.

Filimon 1:23

Abafaras, fwalɨ yɨm lɔsomi mǝndɨ a kɛl dul Kiristi Yesui, yal ń nɛ.

Kolosii 4:10

Aristarkus, wʊnɨ a lɔsomi jǝbɔ mǝɨ, yal jen nɛ. Markus tǝgǝn yal jen nɛ, wʊnɨ tʊga ji win jǝbɔ Barnabaɨ, wʊnɨ mǝ kwɛl mǝ sʊwa kɛl a dul gǝnɨ. Na a bɛ a daa jen woi, bɛ jǝ́ yo gǝn kangɔ yo.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Galatiya 1:22

A kwama gɔ, mʊrkalɨ nǝb bwangtǝm Kwaamaɨ nɨ a mʊgɔ Kiristii a Yahudiyaɨ ja kuwo i bɔ wo nu jǝbɔ nu.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

Galatiya 6:15

Biyotǝm mwɛn jǝbɔ mɨ biyotǝm mwɛn wo mɨ ji a nyiyo kaa jǝl. Jʊ a nyiyo jǝlɨ nǝn gɔ fwaltǝm fɨ, nǝn gɔ a nyiyo jǝlɨ.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 2:6

Nǝb nɨ jǝ nǝb dʊʊmɨ, ja sʊ bɔ kaa jǝl a mɛlalɨ nɨ mǝ maaɨ. (A kuwotǝm mɨ na na bǝ woi, gwam jǝ win a daa mɨ woi, jʊ a bwɨɨ Kwaama mɨ gǝ nʊng swɨtǝm dul lɛ).

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Yohana 15:2

Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.

Yohana 14:20

Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 9:3

Na na maa maa nyɨɨ, bɛ ja lag ɨ, ja wʊlaka ɨ jǝbɔ Kiristi a kɛl dul kɛtǝlam mɨɨ, nǝbam nyiyo mǝndɨ.

Roma 16:3

Jǝ́ yal Bilkisu jǝbɔ Akila fatǝm maajɨ mǝndɨ a mʊgɔ Kiristi Yesui.

Roma 16:6

Jǝ́ yal Maryamu wʊnɨ a maa maajɨ dangǝn nǝn bɨlǝngǝn a kɛl dul jeni.

Roma 16:8

Jǝ́ yal Amfiliyas fwal mɨ nyangǝn a mʊgɔ Tɛlalɔɨ.

Roma 16:9

Jǝ́ yal Urbanus fwalɨ maajɨ bǝnɔ a mʊgɔ Kiristii, jǝbɔ Istakis fwal mɨ nyangǝn.

Roma 16:10

Jǝ́ yal Abalis, wʊnɨ ja jǝla nǝn maajɨ gǝnɔ a mʊgɔ Kiristii. Jǝ́ yal nǝbɔ lɔ Aristobulusi.

2 Korinti 12:2

N nyǝm kaa nǝl wo n nǝ bwangtǝm Kiristii. Jolɔ kʊb jeli naal a shui, ja do gǝn ja shu nǝn a dʌbʌl kwama na taal, n daagɔ Kwaama woi. Na gǝ na a mʊgɔ bʊtɔɨ, na mɨ a mʊgɔ bʊtɔɨ, mǝ nyǝm bɔ. Nǝn Kwaama n nǝ nyǝmtǝmɨ.