Roma 16:26 - Dadiya NT

²⁶ Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Roma 16:26 Referans Kwoze

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Roma 15:18

Mɨsɔ mǝ lɛla lɛ n sʊwa kɛl na ke bɔ jʊ Kiristi a maa a gola mɨɨ. A dǝg Bʌtʌbɔ a jǝla a bwangtǝn Kwaama a kɛl mǝndɨ jǝbɔ maajɨ mɨɨ.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

2 Timoti 1:10

Lǝma nɨ, Kwaama a nʊng bǝn kǝngkɔ a gola bɛtǝm Nǝbʊʊlɨ bǝnɔ Kiristi Yesui, a kalǝm bwaagɨɨ, a nʊng kʊlɨ nɨ mɨ dɨtǝm woi a gola kiyotǝm fulon kɛl lǝmɨ nɨɨ.

Kolosii 1:26

Fulon kɛl nɨ mǝ sʊwa jen nɛɨ, Kwaama a yʊ yʊɨ a kal jǝbɔ kaltɨnɨ, kǝngkɔ a nʊng nǝb sagsag gǝnɔ a talɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Roma 1:2

Fulon kɛl lǝmɨ nɨ Kwaama a maa swatǝm yaa gǝnɔ galɨgǝn a nyiyo nǝbkuwotǝmkǝga gǝnɨ, kanga ja mʊla a mʊgɔ langǝn bwangǝntɨn Kwaamaɨ sagsagɨ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Afisa 2:20

Jǝ́ nǝb nɨ ja mɔ a dʌbʌl fʌlʌm bɛtɔ twamagɨɨ jǝbɔ a nǝbkuwotǝmkǝgagɨɨ. Kiristi Yesu nǝn dul gǝn nǝn gɔ tɛl fʌlʌm kanɨ.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Roma 3:21

Kǝngkǝnɨ, kaa gola nyatǝm dǝngdǝng Kwaamaɨ wo, ke bɔ a gola diil, wʊnɨ langǝn bwangǝntɨn Musaɨ jǝbɔ a nǝbkuwotǝmkǝgagɨɨ a nǝ nyiyo a dul gǝnɨ.

Roma 1:20

A fwaltǝm yooligɔ gǝm a bɛ nǝn a kǝngkɨɨ, kanjǝl bʊmɨ Kwaamaɨ nɨ mɨ jǝ kuwo lɛɨ, kwaan gǝnɔ nɨ mɨ dɨtǝm woi, jǝbɔ yɨm gǝnɔ, ja kuwo nyangnyang ja nyǝm a gola kanjǝl nɨ ga fwalɨ. A dul kɛl nɨ nǝb nɨ mɨ ji nǝn tabatǝm fɨɨ.

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Dʊgam Nyangnyang 1:17

Nǝn kwama mǝ kuwo gǝnɨ, nǝngɔ mǝ yal a kǝga gǝn na bʌlʌni. Nǝngɔ a ya mɨ kang jajǝng gǝnɔ a duli, a sʊwa ɨ gɔ, “Ka ń nyʊwa lɛ taal. Nǝmǝ mǝ tǝltǝmɔ jǝbɔ dɨltǝmɨ.

Ibranii 13:8

Yesu Kiristi mɨ gǝ fʌto lɛ wo. Nǝn gɔ dʊgalǝnɨ, nǝn gɔ dwiyeni, mɨ dɨtǝm wo.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.