Roma 16:17 - Dadiya NT

¹⁷ Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

Roma 16:17 Referans Kwoze

Yahuza 1:19

Nǝb nɨ n nǝbɔ wʊlaka jen nɛɨ, kanjǝl nɨ ja nyǝmɨ na a bʊtɔ, n nǝbɔ mɨ nǝn Yʊwa Kwaamaɨ.

2 Tasalonikaɨ 3:6

Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi.

2 Timoti 3:5

Jǝ nǝngǝn nǝn duuli sagsag. Ja kɔ kwaan dʊʊn gǝnɔ wʊnɨ dǝg ji lɛ ja yǝlam sagsagɨɨ. Bɛ ń tɨ a kʊta kʊtaɨ a daagɔ nǝb nɨ woi.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

Titus 3:10

Nʊ nɨ dǝg wʊlakatǝm lɛɨ, na a kɔ gʊtǝm lɔl naa win jǝbɔ naa yoi, bɛ ń jelʌm a gola gǝnɔ gǝm.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

Filibii 3:17

Kambɔ, bɛ jǝ́ maa mɛlalɨ nǝn mǝ. Jǝ́ dʌng nǝb nɨ yɨm jinɔ win jǝbɔ mɛlalɨ nɨ nǝ maaɨ.

Matta 18:7

“N mwɛ yooli nɨɨ a dǝg nǝfitʌmɔ a maa bwɨlangkɛlɨ. Kanjǝl nɨ gǝ dǝg maatǝm bwɨlangkɛl lɛɨ bɛ bɛ. A dul kɛl nɨ, n mwɛ nʊ nɨ dǝg jʊ nɨ lɛ a bwɨɨ.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.

Matta 18:17

Na a kɔ a nyʊwa ji bɨɨ, sʊwa mʊrkalɨ nǝb bwangtǝm Kwaamaɨ. Na a kɔ a nyʊwa ji bɨɨ, bɛ ń do gǝn na nʊ nɨ a nyǝm bɔ Kwaamaɨ, do gǝn na nǝ yotǝm kemʌn tǝm.

1 Korinti 11:18

Na winɔ na jǝ́ mʊrkaɨ, n mʊrkalɨ nǝb bwangtǝm Kwaamaɨ, n nyʊwa gɔ gʊbkatǝmɔ wo a kʊm jen. N tǝl mǝ jǝla lɛ nǝn kɛl gɔ.

Luka 17:1

Yesu a sʊwa bɛtɔ mɛlalɨ gǝnɔ gɔ, “Kanjǝl nɨ dǝg nǝbɔ maatǝm bwɨlangkɛl lɛɨ bɛ bɛ. N mwɛ nʊ nɨ gʊba kanjǝl nɨ lɛ a bɛ nǝnɨ.

Matta 7:15

“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.