Roma 16:15 - Dadiya NT

¹⁵ Jǝ́ yal Filulugusa, jǝbɔ Yuliya, jǝbɔ Niriyas, jǝbɔ kɨla gɔ nɔɔlɨgɔ, jǝbɔ Ulumfas, jǝbɔ nǝb sagsag nɨ gwam jǝbɔ jii.

Roma 16:15 Referans Kwoze

Roma 16:2

Jǝ́ yo gǝn kangɔ yo yo a mʊgɔ dun Tɛlalɔɨ, kanga a daa tʌgo a nǝb nɨ sagsagɨ. Jǝ́ nǝ gǝn tɨkalɨ nɨ swɨ lɛ a daa jen woi. Jǝ́ maa nyɔ jʊ a bwɨɨ gǝ nǝn dul gǝn a tɨka nǝbɔ a lada, jǝbɔ mǝ tǝmɨ a kʊm jin.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Roma 16:14

Jǝ́ yal Asinkiritas, jǝbɔ Filiguna, jǝbɔ Hamisa, jǝbɔ Baturobas, jǝbɔ Hamasa jǝbɔ kambɔ nɨ jǝ dakini.

Matta 5:47

Na n kɛtǝlam jenɔ jǝ́ yal lɛ kwaajii, n wɛ jǝ́ laa kaamɨ nǝnɨ? Ke bɔ nyɔ Bʌtʌbɔ maa lɛɨ ka?

Maajɨ Bɛtɔ Twamagɨɨ 9:13

Nǝngɔ Hananiya a jǝla gǝn gɔ, “Tɛlalɔ, n nyʊwa fulon kɛl balɨ nɨ a daa nǝbɔ woi a gǝlala, a kɛl shil nɨ maa nǝb bwangtǝm mʊnɔ gǝm lɛ a Urushalimaɨ.