Roma 16:1 - Dadiya NT

¹ Mǝ nʊng jen kɨla bǝn nɔɔlɨgɔ Fibi lɛ. N nǝ maajɨ a mʊrkalɨ nǝb bwangtǝm Kwaamaɨ nɨ a tuulɔ Kankiriyaɨ.

Roma 16:1 Referans Kwoze

Maajɨ Bɛtɔ Twamagɨɨ 18:18

A gul jʊ nɨ, nǝngɔ Bulus a sʊ kumtɨnɔ a lada a Korintii. Nǝngɔ a bǝla nǝb bwangtǝmɨ. A dɔ tɨyamwɛngɔ dakini jǝbɔ Bilkisu jǝbɔ Akila ja ta gola ja shu a Suriyaɨ. Ya jǝ gun nɛɨ, nǝngɔ Bulus a bʊtɨm dul gǝnɔ a Kankiriyaɨ, jʊ a bwɨɨ a do wɛɛlɨ.

Yakubu 2:15

Na kɛ balɨ jǝbɔ kɛ nɔɔlɨ mɨ ji nǝn bɛllɛ jǝbɔ jǝjalǝn dwiyeni,

1 Timoti 5:2

Nɔɔtǝm dʊʊmɔ bɛ ń do ji na nɛtǝlam mʊn, bɛtǝnɔɔtǝnɔ na kɛtǝlam mʊn nǝn nǝl sagsag.

Matta 12:50

Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”

2 Korinti 3:1

Nǝn tǝl wanatǝm dul nǝn tag ka? Nǝn nǝ jen langǝn bwangǝn wanatǝm ka? Nǝn saa langǝn bwangǝn wanatǝm a daa jen woi kanga kaamɨ maam lɛɨ ka?

Luka 8:3

jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Filimon 1:2

Nǝn mʊla Aufiya gǝm lɛ tǝgǝn kɨla bǝn nɔɔlɨgɔ, jǝbɔ Arkibus fwalɨ gaalan bǝnɔ, jǝbɔ mʊrkalɨ nǝb bwangtǝm Kwaamaɨ nɨ mʊrka lɛ a lɔ mʊɨ.