Roma 15:2 - Dadiya NT

² Bɛ bǝ maa fatǝm yɨm bǝnɔ gǝm jǝ nyan. Bɛ bǝ maa jʊ nɨ tɨka ji lɛɨ, sǝ ja dʊʊl a mʊgɔ nǝtǝm bɨlǝngkɛl jinɔ gǝm.

Roma 15:2 Referans Kwoze

1 Korinti 10:24

Ka kaa nǝl ya maa lɛ dul gǝnɔ gǝm jǝ nya kwaagɔ. Bɛ ga maa kambɔ gǝm tʌji.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

1 Korinti 10:33

Mǝ maa sǝ n fulo nǝbɔ gǝm nǝl a mʊgɔ kanjǝlɔ gǝm gwam mǝ maa lɛɨ. Ke bɔ dul mɨ mǝ saam lɛɨ. Mǝ maa nyɔ a dul nǝbɨɨ a lada sǝ ja nya bʊʊtǝm.

1 Korinti 13:5

Swɨkanɔ mɨ nǝn dʊʊlǝn dul, mɨ gǝ maa swɨtǝm dul lɛ. Swɨkanɔ mɨ gǝ nʊng shilotǝm nǝl lɛ, mɨ gǝ ta nǝl lɛ a nǝl.

1 Korinti 10:23

“Kanjǝlɔ gwam n jǝ jǝlatǝm.” Ke bɔ kanjǝlɔ gwam n jǝ nyaɨ. “Kanjǝlɔ gwam n jǝ jǝlatǝm.” Ke bɔ kanjǝlɔ gwam bɛ lɛ nǝn mɔtǝmɨ.

1 Korinti 14:3

Nʊ nɨ maa kuwotǝmkǝga lɛɨ, n nǝb gǝ sʊwa kɛl lɛ jǝbɔ jii, sǝ a nǝ ji kwaan, a kʊʊ jim nǝl, sǝ a nǝ ji kʊtǝm nǝl.

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

2 Korinti 12:19

Jǝ́ maa bʊʊlalɨ jengɔ nǝn bɛ nǝn kɛl sǝ nǝn kʌshi dul nǝnɔ ka? Mɨ nyɔ! A kǝga Kwaamaɨ nǝ sʊwa kɛlɔ lɛɨ, nǝn na a Kiristii. Gwam jʊ nɨ nǝ maa sǝ nǝ sʊ jem kwaan, jǝ́ nǝbɔ nǝ swɨ lɛɨ.

2 Korinti 13:9

N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

Afisa 4:29

Ka kaa kɛl bwɨlan ya jel lɛ a nyiyo jen, na ke bɔ kɛl nyan nɨ kwam jim nǝl lɛ a jʊ nɨ bʊm jim lɛɨ, sǝ a bɛ nǝn lǝma a nǝb nɨ a nyʊwa gǝnɨ.