Roma 15:19 - Dadiya NT

¹⁹ Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

Roma 15:19 Referans Kwoze

2 Korinti 12:12

Kwaama a maa daltɔ jǝ tatǝm kang a nyiyo jǝbɔ jǝ nʊngtǝm a mʊgɔ jen a gola mɨ. Mǝ maa kanjǝl nɨ nǝn bɨtǝm nǝl. Kanjǝl laatǝm kang nɨ a nʊng mǝ bwɛ twama nǝn bɨlǝngǝn.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.

Galatiya 3:5

Kwaama a nǝ jen Yʊwa gǝnɔ, a maatǝm kanjǝl laatǝm kang a kʊm jen. Jǝ́ kuwo lɛ a maa nyɔ a gola diilɔ jǝ́ bwangtǝn nɛɨ ka? N ke bɔ a gola nǝtǝm bɨlǝngkɛl a jʊ jǝ́ nyʊwaɨ ka?

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

Maajɨ Bɛtɔ Twamagɨɨ 20:6

Nǝn tǝnǝn nǝn gun a Filibi a tɨyamwɛng a gul Dikulom Kʊkkʊm nɨ mɨ Yisti woi. Nǝn yɔ yɔm a mʊgɔ mwɛ kumɔ nʊ. Nǝngɔ ya nǝn nya ji a Taruwasaɨ. Nǝ maa kumɔ nʌbʌl a Taruwasa.

Maajɨ Bɛtɔ Twamagɨɨ 17:10

Kumɔ a fi dangǝnɨ, nǝngɔ nǝb bwangtǝmɔ a ywa Bulus jǝbɔ Sila a gola Biriyaɨ. Ya ja la fʌlen tagɨ, nǝngɔ ja dɔ kan mɛlalɨ Yahudawagɨɨ.

Maajɨ Bɛtɔ Twamagɨɨ 20:20

“Mǝ bǝla bɔ sʊwatǝm jenɔ jʊ nɨ maa jem tɨkalɨ lɛɨ. Mǝ kiyo jem kɛl Kwaamaɨ lɛ jǝbɔ mɛlalɨ gǝnɔ a talɨ, lɔ jǝbɔ lɔ.

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

Maajɨ Bɛtɔ Twamagɨɨ 18:19

Nǝn kwama ya ja la Afisaɨ, n daa gɔ Bulus a bǝla Bilkisu wo jǝbɔ Akilaɨ. Nǝngɔ a dɔ kan mɛlalɨgɨɨ, a maa gʊbkatǝm kɛl jǝbɔ Yahudawagɔ.

Maajɨ Bɛtɔ Twamagɨɨ 18:1

A gulɔ gǝm Bulus a bǝla Atinagɔ. A shu a Korinti.

Maajɨ Bɛtɔ Twamagɨɨ 17:15

Nǝb nɨ a ywa Bulusi, ja yɔ nǝn gɔ a Atina. Kwama jǝ yǝlam lɛɨ, nǝngɔ Bulus a twam ji a daagɔ Sila woi jǝbɔ Timotii, gɔ ja bɛ ba ja nya gǝn dǝbǝr. Nǝngɔ ja yǝlaɨ.

Maajɨ Bɛtɔ Twamagɨɨ 16:18

A tɨtǝn maatǝmɔ nyɔ kumtɨnɔ a gǝlala. Nǝngɔ Bulus a nyʊwa nabwɨlɨ, a yǝla a sʊwa bwɛlaa nɨ gɔ, “N sʊwa ń a mʊgɔ dun Yesu Kiristii, bǝla gǝn.” A tʌgo a kang nǝngɔ a bǝla gǝnɨ.

Maajɨ Bɛtɔ Twamagɨɨ 15:12

Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.

Maajɨ Bɛtɔ Twamagɨɨ 14:25

Nǝn kwama ja kiyo kɛl Kwaamaɨ a Pagaɨ, nǝngɔ ja shu a Ataliyaɨ.

Maajɨ Bɛtɔ Twamagɨɨ 14:20

Nǝn kwama nǝb bwangtǝmɔ a kang gǝnɨ, nǝngɔ a gun a dɔ mʊgɔ tuulɔngɨ. Nǝn tǝmsɛlɨ nǝngɔ a shu a Darba dakini jǝbɔ Barnabaɨ.

Maajɨ Bɛtɔ Twamagɨɨ 14:10

Nǝngɔ a gung diil gǝnɔ nǝn kwaan gɔ, “Gun tɨ tɨɨ nǝn naatɨn mʊnɔ.” Nǝngɔ a gun a mɔ, a tǝl yɔmɨ.

Maajɨ Bɛtɔ Twamagɨɨ 14:6

Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii.

Maajɨ Bɛtɔ Twamagɨɨ 13:51

Nǝngɔ ja buum kuulɔ a naa jini a dul nǝb nɨɨ, sǝ a nʊng Kwaama a maa nabwɨl jǝbɔ ji. Nǝngɔ ja shu a Ikoniyaɨ.

Maajɨ Bɛtɔ Twamagɨɨ 13:14

Ja shu a kǝga Pagaɨ, ja shu a Antakiya a tǝm Bisidiyaɨ. Nǝn Kum Fǝbtǝm nǝngɔ ja dɔ mʊgɔ kan mɛlalɨgɔ ja yɨɨ.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Yohana 4:48

Nǝngɔ Yesu a sʊwa gǝn gɔ, “Na jǝ́ kuwo bɔ kanjǝl nʊngtǝm jǝbɔ jǝ laatǝm kangɨ, mɨsɔ jǝ́ nǝ bɨlǝngkɛl lɛ.”

Matta 12:28

Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

Kolosii 1:25

A wʊnɨ mǝ yǝlam nǝ maajɨ nɨ Kwaama a nɨ ɨ a kɛl dul jeni, sǝ n kiyo kɛl Kwaamaɨ dangǝn.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

1 Korinti 2:4

Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ,

1 Tasalonikaɨ 1:5

Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.