Roma 15:18 - Dadiya NT

¹⁸ Mɨsɔ mǝ lɛla lɛ n sʊwa kɛl na ke bɔ jʊ Kiristi a maa a gola mɨɨ. A dǝg Bʌtʌbɔ a jǝla a bwangtǝn Kwaama a kɛl mǝndɨ jǝbɔ maajɨ mɨɨ.

Roma 15:18 Referans Kwoze

Maajɨ Bɛtɔ Twamagɨɨ 15:12

Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Maajɨ Bɛtɔ Twamagɨɨ 21:19

A yal jii, nǝngɔ a kiyo jim kanjǝlɔ gwam Kwaama a maa a kʊm Bʌtʌbi a gola maajɨ nɨ ga maaɨ.

Galatiya 2:8

Kwaama a maa maajɨ a gola Bitrusi, sǝ a maa maajɨ nyan a daa Yahudawagɔ woi, nǝn gɔ tag a maa maajɨ a gola mɨɨ, sǝ n maa maajɨ nyan a daa Bʌtʌbɔ woi.

2 Tasalonikaɨ 2:17

a kʊʊ jem nǝl, a nǝ jen kwaan bʊtɔ tag a gola maajɨ nyan jǝbɔ kiyotǝm kɛl.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Yahuza 1:9

A Mikailui, gʌleng bwɛ twama Kwaamaɨ kwama nɨ gʊbka lɛ jǝbɔ Mammɔ a dul bʌlʌn Musaɨ, a gung bɔ dul a tuwo gǝn a kal dun gǝnɔ. A sʊwa gǝn gɔ, “Bɛ Tɛlalɔ a mwɛ ń!”

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.

Yakubu 1:22

Ka jǝ́ swag lɛ dul jenɔ. Ka jǝ́ yǝlam lɛ nǝb nyʊwatǝm kɛl Kwaamaɨ nǝn kwan. Bɛ jǝ́ yǝlam nǝb maatǝm gǝn tag.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

2 Korinti 12:6

Na mǝ swɨ swɨ maatǝm lɨyalɨ, mɨsɔ mǝ yǝlam lɛ na nǝ fʌmʌn, jʊ a bwɨɨ mǝ sʊwa sʊwa bɨlǝngkɛl. Mɨsɔ mǝ maa lɨyal lɛ, kage kaa nǝl a do i, a laa kanga ga kuwo jʊ mǝ maa lɛɨ, kanga gǝ nyʊwam kɛl mǝndɨ lɛɨ.

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Maajɨ Bɛtɔ Twamagɨɨ 26:20

Mǝ tǝl sʊwatǝm nǝbɔ Dimaskaɨ kɛl Kwaamaɨ, nǝngɔ a la nǝbɔ Urushalimaɨ jǝbɔ Yahudiyagɔ, nǝngɔ a la Bʌtʌbi, mǝʊ ja bǝla bwɨlangkɛl jinɔ ja yǝla a daa Kwaama woi, sǝ ja maa kanjǝl nɨ nʊng lɛ ja yǝla ja bǝla bwɨlangkɛl jini.

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Markus 16:20

Bɛtɔ mɛlalɨ gǝnɔ ja jel ja shu, jǝ kiyo fulon kɛl lǝmɨ gǝnɔ lɛ a daatɨnɔ gǝm gwam. Tɛlalɔ maa maajɨ lɛ jǝbɔ ji, nʊng bɨlǝngkɛl jinɔ lɛ a kanjǝl jǝ laatǝm kang nɨ sǝ a nʊng jʊ ja sʊwaɨ, n bɨlǝngkɛl.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

2 Korinti 3:5

Ke bɔ nǝn nǝn dul nǝn, nǝn sʊwa lɛ gɔ nǝn maa kaa jǝlɨ. Kwaan nǝnɔ a bɛ daagɔ Kwaama woi.

Matta 25:16

Nʊ nɨ a yo kemʌnɔ sʊwagɔ nʊɨ, a ta bɔ bʊtɔ, nǝngɔ ya maa dʌbo nǝn a gǝnɨ, nǝngɔ a nya bwiligɔ sʊwagɔ nʊɨ.