Roma 15:15 - Dadiya NT

¹⁵ Kaam kanjǝl nɨ mǝ mʊla jemi, n jel a talɨ nyangnyang, sǝ n bʊʊla jem a dul lǝma nɨ Kwaama a maa mɨɨ.

Roma 15:15 Referans Kwoze

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

Roma 12:6

Kanga bǝ nǝngǝn nǝn nǝtǝm lǝmagɔ nǝn dʌmʌn dǝngdǝng kanga Kwaama a nǝ bǝn lǝma nɨɨ, bɛ bǝ maa maajɨ nǝn. Na nǝtǝm lǝma bǝnɔ na maajɨ kuwotǝmkǝgaɨ, bɛ bǝ maa kuwotǝmkǝgagɔ dǝngdǝng a nǝtǝm bɨlǝngkɛl bǝnɔ gǝm.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

1 Yohana 5:13

Mǝ mʊla jem jʊ nɨ, jen nɨ jǝ́ nǝ bɨlǝngkɛl nǝn dun Bʊla Kwaamaɨ, sǝ jǝ́ nyǝm jen nǝn kʊlɨ nɨ mɨ dɨtǝm woi.

2 Bitrus 3:15

Bɛ jǝ́ nyǝm bwatǝm nǝl Tɛlalɔ bǝnɨ, gǝ nʊng gǝ swɨ lɛ nǝbɔ a bʊʊ. Kɨla bǝn Bulus wʊnɨ bǝ swɨ lɛɨ, a mʊla jem nyɔ tǝgǝn a nyǝmtǝm nɨ Kwaama a nǝ gǝnɨ.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

Ibranii 13:22

Mǝ kel jen nɛ kambɔ, jǝ́ kʊ nǝl nǝn gʊtǝm lɔl mǝndɨ, jʊ a bwɨɨ mǝ mʊla jem nǝn kʌb nyɔ.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

2 Timoti 1:6

N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.